მთავარი,სიახლეები

ოჯახში ძალადობის განმეორების შემთხვევაში მოძალადის მიმართ კანონი მკაცრდება 

24.04.2018 • 1405
ოჯახში ძალადობის განმეორების შემთხვევაში მოძალადის მიმართ კანონი მკაცრდება 

შინაგან საქმეთა სამინისტრო კანონის გამკაცრებას აპირებს იმ პირების მიმართ, რომლებიც ოჯახში ძალადობის გამო არიან ნასამართლევი და ხელახლა ჩაიდენენ დანაშაულს. ამის შესახებ შინაგან საქმეთა სამინისტროს ადამიანის უფლებათა დაცვის დეპარტამენტის უფროსმა, ლონდა თოლორაიამ ბათუმში, დემოკრატიული ჩართულობის ცენტრში გამართულ შეხვედრაზე ისაუბრა.

შეხვედრის შემდეგ ლონდა თოლორაიას „ბათუმელებმა“ ჰკითხა, თუ რას ითვალისწინებს კონკრეტულად კანონპროექტი.

„კონკრეტულ დეტალებს ვერ გეტყვით. სავარაუდოდ, მაისში წარვადგენთ ამ კანონპროექტს პარლამენტში. იგი ითვალისწინებს სისხლისსამართლებრივი პასუხისმგებლობის დამძიმებას, როცა პირი სასჯელის მოხდის შემდეგ ხელახლა ჩაიდენს ოჯახში ძალადობას,“ – გვითხრა მან.

სისხლის სამართლის კოდექსის არსებული რედაქცია ოჯახში ძალადობისთვის სასჯელის სახით ითვალისწინებს საზოგადოებისათვის სასარგებლო შრომას ვადით ორასიდან ოთხას საათამდე, ან თავისუფლების აღკვეთას ვადით ერთიდან სამ წლამდე.

 

გადაბეჭდვის წესი


ასევე: