ბათუმში მაგთის ინტერნეტი გაითიშა, კომპანიაში აცხადებენ, რომ არ იციან როდის ჩაირთვება


ბათუმში „მაგთიკომის“ აბონენტებს ინტერნეტი არ მიეწოდებათ. როგორც კომპანიის სერვის-ცენტრში აცხადებენ, ხარვეზის აღმოფხვრაზე მუშაობენ.

კომპანიის სერვისცენტრში „ბათუმელებს“ შემდეგი განუმარტეს: „ჯერჯერობით ვერ ვიტყვით, როდის ჩაირთვება [ინტერნეტი]. ჯერ არკვევენ მიზეზებს, როგორც კი დასრულდება სამუშაოები ჩაირთვება. ჯერჯერობით კონკრეტულს ვერაფერს გეტყვით“.

ინტერნეტი დაახლოებით ნახევარი საათის წინ, 20:00 საათისთვის გამოირთო.

ბოლო ერთი კვირის განმავლობაში ეს მეორე შემთხვევაა, როდესაც ბათუმში „მაგთის“ ინტერნეტი გაითიშა. აბონენტები აცხადებენ, რომ ინტერნეტს ყოველგვარი გაფრთხილების გარეშე თიშავენ.

 

 

 

ნეტგაზეთის მასალების სხვა გამოცემებში გადაბეჭდვის წესი


ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან