ქედის მუნიციპალიტეტის სოფელ კანტაურის დაწყებითი სკოლის კარი 2017- 2018 სასწავლო წელს ჩაირაზა – სკოლას მოსწავლე აღარ ჰყავს.
წლების წინ ამ სოფელში სრულ საბაზო განათლებას იღებდნენ, შემდეგ სკოლა დაწყებითი, საბოლოოდ კი, მოსწავლის გარეშე, უფუნქციოდ დარჩა.
სკოლის შესასვლელში ახლა ძაფზე აკინძული თამბაქოს ფოთლებია გაკიდული.
მოსახლეობის მოთხოვნის საფუძველზე, ეს სკოლა ადგილობრივმა ხელისუფლებამ რამდენიმე წლის წინ „სოფლის მხარდაჭერის“ პროგრამით გაარემონტა.
საქართველოს სტატისტიკის ეროვნული სამსახურის მონაცემებით, კანტაურში 76 ადამიანი ცხოვრობს. 2002 წელს ამ სოფელში 276 ადამიანი ცხოვრობდა.