ძეგლებისა და ისტორიული ადგილების საერთაშორისო დღისადმი მიძღვნილი კვირეული დასრულდა

აჭარის კულტურული მემკვიდრეობის დაცვის სააგენტოს ორგანიზებით, 17-20 აპრილს ძეგლებისა და ისტორიული ადგილების საერთაშორისო დღისადმი მიძღვნილი კვირეული გაიმართა.

ღონისძიებების ფარგლებში აჭარის მუნიციპალიტეტების საჯარო სკოლების მოსწავლეებისათვის, ააიპ დღის ცენტრ ,,იალქანის’’ ბენეფიციარებისათვის და სპეციალური საგანმანათლებლო საჭიროების მქონე ბავშვებისათვის მოეწყო კულტურულ-შემეცნებითი ტური კულტურული მემკვიდრეობის ძეგლებზე (პეტრას ციხე, ოქროპილაურას ციხე, მახუნცეთის თაღოვანი ხიდი, ახალციხის ისტორიული ციხე-კომპლექსი, გელათის მონასტერი) საგანმანათლებლო პროგრამის ფარგლებში მათთვის ჩატარდა პრეზენტაცია თემაზე: ,,ჩემი მემკვიდრეობა’’.

მოსწავლეებმა მიიღეს ინფორმაცია კულტურული მემკვიდრეობის რაობის, კლასიფიკაციის, მნიშვნელობისა და მოვლა-პატრონობის შესახებ.

კვირეულის ფარგლებში გამართული აქტივობების მიზანი იყო აჭარის ტერიტორიაზე არსებული ისტორიული ძეგლებისა და მუზეუმების პოპულარიზაცია და ახალგაზრდებში კულტურული მემკვიდრეობის მიმართ ცნობიერების გაზრდა.

ეს დღე 1983 წელს იუნესკოსა და იკომოსის გადაწყვეტილებით დაწესდა და მას მთელ მსოფლიოში 1984 წლიდან აღნიშნავენ.

ნეტგაზეთის მასალების სხვა გამოცემებში გადაბეჭდვის წესი


ავტორი