კეიპტაუნში გრძელდება მსოფლიო ჩემპიონატი ყინულის ჰოკეიში მესამე დივიზიონის გუნდებს შორის. საქართველოს ნაკრებმა ცოტა ხნის წინ ჰონგ-კონგის ნაკრები დაამარცხა ანგარიშით – 11:1. ეს მათი მესამე გამარჯვებაა მსოფლიო ჩემპიონატის ფარგლებში. საქართველოს ნაკრებმა 17 აპრილს ბულგარეთის ნაკრები ანგარიშით 5:3, 16 აპრილს კი თურქეთის ნაკრები დაამარცხა, ანგარიშით 6:2.
საქართველო 20 აპრილს – სამხრეთ აფრიკას, 22 აპრილს კი – ტაიპეის ნაკრებს ხვდება. ტურნირის გამარჯვებული გაისად მსოფლიოს ჩემპიონატის II დივიზიონში ითამაშებს.