ბათუმის საკრებულო

ბათუმის საკრებულოს კომისიებმა ბათუმის 2017 წლის ბიუჯეტის შესრულების ანგარიში განიხილეს

ბათუმის საკრებულოს კომისიებმა დღეს ბათუმის მერის მიერ წარმოდგენილი „ქალაქ ბათუმის მუნიციპალიტეტის 2017 წლის ბიუჯეტის შესრულების წლიური ანგარიშის დამტკიცების შესახებ“ საკრებულოს განკარგულების პროექტი განიხილეს.

გასული წლის ბიუჯეტის შესრულების ანგარიში საკრებულოს წევრებს მერიის საფინანსო სამსახურის უფროსმა არჩილ ვანაძემ წარუდგინა

გასული წლის ბიუჯეტის შესრულების ანგარიში საკრებულოს წევრებს მერიის საფინანსო სამსახურის უფროსმა არჩილ ვანაძემ წარუდგინა

გასული წლის ბიუჯეტის შესრულების ანგარიში საკრებულოს წევრებს მერიის საფინანსო სამსახურის უფროსმა არჩილ ვანაძემ წარუდგინა. მისი ინფორმაციით, „2017 წელს პრიორიტეტული ქალაქის განვითარებისთვის საჭირო ინფრასტრუქტურის მშენებლობა, რეაბილიტაცია და მის ექსპლუატაციასთან დაკავშირებული ღონისძიებების დაფინანსება იყო. საბიუჯეტო დაფინასების ძირითად სფეროებს, ასევე, წარმოადგენდა მოსახლეობის ჯანმრთელობისა და სოციალურ-ეკონომიკური მდგომარეობის გაუმჯობესება, სკოლამდელი განათლების, კულტურისა და სპორტის საკითხები“.

არჩილ ვანაძის განცხადებით,  „საანაგრიშო პერიოდში ადგილობრივი ბიუჯეტის შემოსულობების დაზუსტებულმა გეგმამ შეადგინა 168,473.3 ათასი ლარი, ფაქტიური შესრულება კი 168,637.5 ათასი ლარია, რაც  შესრულების 100%-ია. ხოლო, ბიუჯეტის გადასახდელების დაზუსტებულმა გეგმამ შეადგინა 168,577.2 ათასი ლარი, ფაქტიურმა შესრულებამ კი – 162,700.4 ათასი ლარი, რაც შესრულების  97%-ია“.

წლიური ანგარიშის დამტკიცების შესახებ გადაწყვეტილებას ბათუმის საკრებულო 20 აპრილს, მორიგ სხდომაზე მიიღებს

წლიური ანგარიშის დამტკიცების შესახებ გადაწყვეტილებას ბათუმის საკრებულო 20 აპრილს, მორიგ სხდომაზე მიიღებს

2017 წელს მუნიციპალიტეტის ბიუჯეტიდან  განხორციელდა  შემდეგი პროგრამების დაფინანსება:

ინფრასტრუქტურისა და მუნიციპალური კომუნალური სერვისების განვითარება:
  • საგზაო ინფრასტრუქტურის განვითარება – 36,860.6 ათასი ლარი;
  • სატრანსპორტო ინფრასტურქტურის და სერვისის განვითარება – 8,983.6 ათასი ლარი;
  • საბაზისო კომუნალური ინფრასტრუქტურის და სერვისების განვითარება – 19,178.4 ათასი ლარი;
  • ქალაქის გაფორმება და სარეკრეაციო ინფრასტრუქტურის განვითარება – 14,651.9 ათასი ლარი;
  • ბინათმესაკუთრეთა ამხანაგობების მხარდაჭერა, ბინათმშენებლობა და ავარიული შენობების რეაბილიტაცია, დემონტაჟი – 8,820.8 ათასი ლარი;
  • მუნიციპალური სასაფალოების მოწყობა და მოვლა-პატრონობა – 1,845.9 ათასი ლარი;
  • ქალაქის დაგეგმარება – 679.6 ათასი ლარი;
  • მუნიციპალური სერვისების განვითარება – 145.1 ათასი ლარი.

განათლება
  • სკოლამდელი განათლება – 13,210.8 ათასი ლარი;
  • პროფესიული განვითარებისა და უმაღლესი განათლების ხელშეწყობა – 139.9 ათასი ლარი;

კულტურა, ახალგაზრდობის ხელშეწყობა და სპორტი:
  • სპორტის განვითარების ხელშეწყობა – 11,695.4 ათასი ლარი;
  • კულტურის განვითარების ხელშეწყობა – 4,450.6 ათასი ლარი;
  • საზოგადოებირივი და ახალგაზრდული ორგანიზაციების ხელშეწყობა – 2 ათასი ლარი.

 ჯანმრთელობის დაცვა და სოციალური უზრუნველყოფა:
  • ჯანმრთელობის დაცვა – 3,916.6 ათასი ლარი;
  • სოციალური უზრუნველყოფა – 8,626.3 ათასი ლარი;
  • სანიტარული ზედამხედველობა და ეპიდსიტუაციის მართვა – 586.4 ათასი ლარი.

საკრებულო ქალაქ ბათუმის მუნიციპალიტეტის 2017 წლის ბიუჯეტის შესრულების წლიური ანგარიშის დამტკიცების შესახებ გადაწყვეტილებას 20 აპრილის მორიგ სხდომაზე მიიღებს.

ნეტგაზეთის მასალების სხვა გამოცემებში გადაბეჭდვის წესი


ავტორი