საქველმოქმედო ნახევარმარათონი ბათუმში – პრიზი 1000, 1500 და 2000 ევრო

21 აპრილს ბათუმში საერთაშორისო ნახევარმარათონი „Great Batumi Night Race”-ი ჩატარდება. ღონისძიების ფარგლებში რეგიონს  32 ქვეყნიდან 700-მდე სტუმარი ეწვევა.

ბათუმში ნახევარმარათონი წელს პირველად ტარდება. მონაწილეებს შორის იქნებიან მსოფლიო დონის სპორტსმენები, საერთაშორისო მარათონების მონაწილეები გერმანიიდან, ინგლისიდან, ესპანეთიდან და სხვადასხვა ევროპული ქვეყნიდან.

ბათუმის ღამის ნახევარმარათონი მხარს უჭერს საქველმოქმედო ფონდს „ჩვენ განსხვავებულები ვართ“. მარათონიდან შემოსული თანხის ნაწილი მოხმარდება პროექტს „სარესურსო კლასი“, რომელიც მიზნად ისახავს ექსპერიმენტალური კლასის გახსნას აუტისტური სპექტრის მქონე ბავშვებისთვის.

ნახევარმარათონი (21,1 კმ) სასტუმრო „კოლიზეუმ მარინასთან“ შაბათს, 19:30 წუთზე აიღებს სტარტს. მხიარული გარბენი (10 კმ) კი – 19:10 წუთზე.  რეგისტრაცია ფასიანია:

ნახევარმარათონში მონაწილეობისთვის რესგისტრაციის თანხა:

გარდა ამისა, ჩატარდება ორი ბავშვთა გარბენი, რომლებში მონაწილეობაც უფასოა. ღონისძიებაში მონაწილეობის მსურველებს დარეგისტრირება ბათუმის ჩოგბურთის კორტებთან შეეძლებათ დღეიდან შაბათამდე (4 საათამდე).

გარბენის მარშრუტები მთლიანად გაივლის ქალაქის ყველა ტურისტულად მიმზიდველ ადგილს. ყოველ 5 კილომეტრში განთავსდება ძალის აღსადგენი ადგილები.
სამედიცინო დახმარება ხელმისაწვდომი იქნება მარშრუტსა და START-FINISH-თან.

შაბათს, საღამოს ექვსი საათიდან, ეტაპობრივად გადაიკეტება ყველა ის ქუჩა, სადაც ნახევარმარათონის სარბენი მარშრუტი გადის.

პირველ ადგილზე გასულს 2000-2000 ევრო, მეორე ადგილზე – 1500 ევრო, მესამე ადგილზე გასულს კი 1000 ევრო გადაეცემა. გარდა ამისა, იქნება სპონსორების მიერ დაწესებული პრიზები.

ნახევარმარათონი სასტუმრო „კოლიზეუმ მარინასთან“ ჯგუფ „გამოუვალი მდგომარეობას“ კონცერტით დასრულდება. ბათუმის ღამის ნახევარმარათონი ტრადიციული იქნება და ის აჭარაში ყოველწლიურად ჩატარდება. ნახევარმარათონის შესახებ დეტალური ინფორმაციის გაცნობა შესაძლებელია საიტზე: batumi-marathon.com.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან