მოუწესრიგებელი ინფრასტრუქტურა აჭარაში პოპულარულ ტურისტულ ადგილზე [ფოტო]

აჭარის მთიანეთში ერთ-ერთი ყველაზე პოპულარული ტურისტული ადგილი მახუნცეთის ჩანჩქერია. მახუნცეთში ტურისტების სიმრავლე წლის ნებისმიერ სეზონზე შეინიშნება. მიუხედავად ამისა, მოუწესრიგებელია ჩანჩქერისა და „თამარის ხიდის“ მიმდებარე ტერიტორია, გზები და ბილიკები.

მახუნცეთში ინფრასტრუქტურის მოწესრიგებაზე ქედის მერია საკმაოდ დიდ თანხას ხარჯავს – გასულ წელს 680 ათასი, ხოლო წელს 450 ათასი ლარია გამოყოფილი.

ქედის მერის მოადგილე, როლანდ ბერიძე ამბობს, რომ „თამარის ხიდის“ მიმდებარე ტერიტორიის კეთილმოწყობის სამუშაოები ხელშეკრულებით 3 ივნისამდე დასრულდება. რაც შეეხება პარკს, მერის მოადგილის თქმით, თაღისა და მიმდებარე ტერიტორიის მოსაწერიგებლად მერია პროექტზე მუშაობს – თამარის ხიდის მიმდებარედ არსებულ კიბეს არემონტებენ, აწყობენ პანდუსსა და გარე განათებას.

„ჩანჩქერის მიმდებარე ტერიტორიაზე გზების მოსაწყობად ტენდერი გამოცხადებული გვაქვს, ასევე მოეწყობა ორსართულიანი შენობა, რომლის მეორე სართულზე თემის რწმუნებულის ოფისი განთავსდება. პირველი სართული ღია სივრცეს დაეთმობა, სადაც შესაძლოა საგამოფენო სივრცე ან სავაჭრო ცენტრი მოეწყოს.

ხე-მცენარეები და ბალახები „კომუნალურსერვისმა“ მოცელა და ამ წუთისთვის გატანილია. რაც შეეხება პარკის კეთილმოწყობას, საპროექტო დავალება მიცემული მაქვს და დაახლოებით 30 აპრილს გვექნება პარკის განვითარების პროექტი. აქ ისეთი პარკი უნდა მოეწყოს, რომ არ დასჭირდეს შემდგომში გადაკეთება და რომელიც მიმზიდველი იქნება როგორც ადგილობრივებისთვის, ასევე ვიზიტორებისთვის. წინასწარი გათვლებით, პარკის მოწესრიგებას ნახევარი მილიონი ლარი დასჭირდება, რასაც პროექტის დამუშავების შედეგ მოვიძიებთ“. – ამბობს როლანდ ბერიძე.

მახუნცეთის ჩანჩქერის მიმდებარე ტერიტორია. ეკა ბარამიძის ფოტო

მახუნცეთის ჩანჩქერის მიმდებარე ტერიტორია. ეკა ბარამიძის ფოტო

მახუნცეთის ჩანჩქერის მიმდებარე ტერიტორია. ეკა ბარამიძის ფოტო

მახუნცეთის ჩანჩქერის მიმდებარე ტერიტორია. ეკა ბარამიძის ფოტო

მახუნცეთის ჩანჩქერის მიმდებარე ტერიტორია. ეკა ბარამიძის ფოტო

 

ნეტგაზეთის მასალების სხვა გამოცემებში გადაბეჭდვის წესი


ავტორი