7000 ლარამდე ღირებულების არადეკლარირებული ოქროს ნაკეთობები სარფში

13 აპრილს საბაჟო გამშვებ პუნქტში – ,,სარფი“ ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქის, ლ.ყ-ს ფიზიკური დათვალიერების შედეგად არადეკლარირებული ოქროს ნაკეთობები აღმოაჩინეს. ნაკეთობათა წონამ 105.29 გრამი, საქონლის საბაჟო ღირებულებამ კი, 6 440.6 ლარი შეადგინა.

საქართველოს საგადასახადო კოდექსის 289-ე მუხლის მე-10 ნაწილის შესაბამისად, სამართალდამრღვევ მოქალაქეს, სანქციის სახით შეეფარდა ფულადი ჯარიმა – 6,440.6 ლარის ოდენობით.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან