ქობულეთში ავარიის შედეგად სამი ადამიანი დაშავდა

ქობულეთში, აღმაშენებლის ქუჩაზე, ორი მსუბუქი ავტომანქანა ერთმანეთს შეეჯახა, დაშავებულია სამი ადამიანი.

ქობულეთის სასწრაფო-სამედიცინო სამსახურის ცნობით, დაშავებულებს საშუალო სიმძიმის დაზიანებები აღენიშნებოდათ და ისინი ქობულეთის რეგიონულ კლინიკაში გადაიყვანეს. ავტოსაგზაო შემთხვევა დაახლოებით დილის 10 საათზე მოხდა.

შინაგან საქმეთა სამინისტროს ინფორმაციით, დაწყებულია გამოძიება სისხლის სამართლის კოდექსის 276-ე მუხლის პირველი ნაწილის მიხედვით, რაც ავტოსატრანსპორტო საშუალების ექსპლუატაციის წესების დარღვევას გულისხმობს.

ნეტგაზეთის მასალების სხვა გამოცემებში გადაბეჭდვის წესი


ავტორი