შავი ჯიპი ტროტუარზე და ათი გადაუხდელი ჯარიმა [ფოტოამბავი]

ბათუმში, გორგილაძის ქუჩაზე, ტროტუარზე გაჩერებული შავი ჯიპი „ბათუმელების“ ფოტოობიექტივში მოხვდა. ავტომანქანის ნომრის ბათუმის ავტოტრანსპორტის ვებგვერდზე გადამოწმების შედეგად ირკვევა, რომ ამ მანქანას ტროტუარზე მეპატრონე ხშირად აჩერებს.

ვებგვერდზე მოცემული ინფორმაციის თანახმად, ტროტუარზე მანქანის გაჩერებისთვის ბათუმის ავტოტრანსპორტმა აღნიშნული ავტომანქანის მეპატრონე რვაჯერ დააჯარიმა, პარკირების საფასურის გადახდის გარეშე დგომისთვის კი – სამჯერ.

ჯარიმები სხვადასხვა წლებშია გამოწერილი. ყველაზე ძველი 2014 წელს გამოწერილი ჯარიმაა. ინფორმაციას თან ახლავს ფოტომასალაც. ინფორმაციის მიხედვით დგინდება, რომ მას მხოლოდ ერთხელ აქვს ჯარიმა – 10 ლარი გადახდილი, ხოლო ათ სხვა შემთხვევაში ჯარიმა გადახდილი არ არის.

ეს 2014 წელია, ვაჟა-ფშაველას ქუჩა: 

ფოტო: batumitransport.ge 

ისევ ვაჟა-ფშაველას ქუჩა:

ფოტო: batumitransport.ge

შავი ჯიპის მეპატრონე ტროტუარზე მანქანის გაჩერებისთვის დააჯარიმეს გუშინაც, ამჯერად გორგილაძის ქუჩაზე:

ფოტო: batumitransport.ge

ბათუმის ავტოტრანსპორტის ვებგვერდზე გამოქვეყნებულ ინფორმაციაში აღნიშნულია, რომ საჯარიმო ოქმი ადრესატს გაეგზავნა, თუმცა მიმღები სახლში არ დახვდა.

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com