წყლით დაფარული ხიდი ხულოში

ხულოს მუნიციპალიტეტში, სხალთის თემში, მდინარე სხალთაზე არსებული ხიდი, რომლითაც სოფელ კვატიაში მცხოვრები მოსახლეობა გარესამყაროს უკავშირდება, წყლითაა დაფარული. გაზაფხულზე, როცა მთებში თოვლი დნობას იწყებს, მდინარეში წყლის მასა იზრდება და ხიდზე წყალი გადმოდის, წყლით იფარება ხიდი წყალდიდობის დროსაც.

ხულოს მერიაში განმარტავენ, რომ მერიამ კვატიასთან დამაკავშირებელი ხიდისა და გზის პროექტი მოსახლეობის მოთხოვნის საფუძველზე გასულ წელს შეისყიდა, თუმცა პროექტი მხოლოდ იმის გამო ვერ გნხორციელდა, რომ გზის დახრილობის დონე მაღალია და არსებული პროექტი ექსპერტმა დაიწუნა.

სხალთის თემის რწმუნებულის, იზოლდა სურმანიძის ინფორმაციით, სოფელ კვატიაში 16 მუდმივი მცხოვრები ოჯახი ცხოვრობს, ასევე არიან სოფელში დროებით მცხოვრებლებიც – დაახლოებით ათი ოჯახი.

ირაკლი ჯორბენაძის ფოტო

ნეტგაზეთის მასალების სხვა გამოცემებში გადაბეჭდვის წესი


ავტორი