წიგნების მიხედვით შექმნილი 5 სერიალი, რომლებიც უნდა ნახოთ

2017 წელი სერიალების მოყვარულებისთვის კარგი წელი იყო, ამ წელს ხუთი საკულტო წიგნის ეკრანიზაცია ვიხილეთ, რომლებმაც გამოსვლისთანავე უამრავი მაყურებელი მიიზიდა.

ამერიკელი ღმერთები

სერიალი „მხევლის წიგნი“ კანადელი მწერლის, მარგარეტ ეტვუდის იმავე სახელწოდების რომანის მიხედვითაა გადაღებული. წიგნი 1985 წელს დაიწერა და დღემდე აქტუალურ, ანტიუტოპიურ ტექსტად მიიჩნევა.

„მხევლის წიგნი“ 2017 წლის საუკეთესო დრამატულ სერიალად აღიარეს და პრემია „ემი“ გადასცეს. მსახიობები: ელიზაბეტ მოსი, ენ დაუდი და ალექსის ბლედელი კი, საუკეთესო მსახიობებად დაასახელეს.

სერიალის წარმატება, გარდა მსახიობთა ოსტატობისა, წიგნის პოპულარობითაც იყო განპირობებული.

ბაბილონი-ბერლინი


სერიალი „ბაბილონი-ბერლინი“ პოპულარული გერმანელი მწერლის, ფოლკერ კუჩერის წიგნების მიხედვითაა გადაღებული. სერიალის რეჟისორებსა და სცენარისტებს ვარსკვლავური წარსული აქვთ, ისინი ისეთ ცნობილ ფილმებზე მუშაობდნენ, როგორიცაა: „გაიქეცი, ლოლა გაიქეცი“, „პარფიუმერი“, „მშვიდობით ლენინ“ და ა.შ.

სერიალში მოქმედება 1920-1930-იან წლების გერმანიაში ხდება და დაძაბულ ათწლეულს აღწერს. ფილმის მთავარი გმირი პოლიციის კომისარია, რომელიც მძიმე დანაშაულებს ხსნის.

სერიალის ერთ-ერთი მთავარი ღირსება გარემოს ეფექტურად ჩვენება და კოსტიუმებია: კადრებში კარგად ჩანს ამ პერიოდის გერმანიის უცნაური ატმოსფერო, არქიტექტურა, ყოველდღიურობა და ყოფითი საგნები.

გზანი წამებისანი

სერიალში რუსეთის 1914-1917 წლების რევოლუციის ამბები და ინტელიგენციის ბედია ნაჩვენები. თეთრი ოფიცრები, წითელი კომისრები,  ანარქისტები და დეკადენტური მოძრაობა. ფილმის მთავარი გმირები დები არიან, რომლებიც წამების გზას გადიან.

ის გრეისია

ისევ მარგარეტ ეტვუდის წიგნის ეკრანიზაცია.

გრეის მარკსს ბრალდება მკვლელობა, რომელიც მას არ ჩაუდენია, თუმცა ეს არავის სჯერა და გადაწყვეტილია, რომ ის კანონის მთელი სიმკაცრით დაისაჯოს, თუმცა ფილმის მთავარი გმირის გადარჩენას  ექიმი საიმონ ჯორდანი ცდილობს, რომელიც გრეისს აიძულებს ყველაფერი დეტალურად გაიხსენოს.

ამერიკელი ღმერთები


სერიალი ნილ გეიმანის რომანის მიხედვითაა შექმნილი. მწერალი თავადაც  მონაწილეობდა ფილმის სცენარის შექმნის პროცესში. ფილმის მთავარი გმირი ციხიდან თავისუფლდება და ცხოვრების გადაფასებასა და საკუთარი მომავლის დაგეგმვას ცდილობს, თუმცა არაფერი გეგმის მიხედვით არ მიდის და იწყება ეპატაჟური, შავი იუმორით სავსე კრიმინალური ისტორიები. ფილმში თანამედროვე ამერიკის პოლიტიკის, მათ შორის ტრამპის მიდგომების  ხაზგასმული კრიტიკა ისმის.

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან