საგნობრივი გამოცდის ჩაბარებას 21 ათასი მასწავლებელი და მასწავლებლობის მსურველი აპირებს

მასწავლებლის საგნობრივ გამოცდაზე პედაგოგების რეგისტრაცია დასრულდა. შეფასებისა და გამოცდების ცენტრის ინფორმაციით, რეგისტრაცია 21 ათასამდე მასწავლებელმა და მასწავლებლობის მსურველმა გაიარა. „ბათუმელების“ კითხვაზე, რამდენია აქედან მასწავლებლობის მსურველი პირი? – გამოცდების ცენტრი ინფორმაციას ვერ გვაწვდის.

„ეს ინფორმაცია უნდა გამოითხოვოთ წერილობით“, – გვითხრეს ცენტრში.

მათივე თქმით, ამ დროისთვის არც ის ინფორმაციაა ცნობილი, ყველაზე მეტი ან ნაკლები რომელი საგნის მასწავლებელი დარეგისტრირდა საგნობრივ გამოცდაზე.

შარშან საგნობრივ გამოცდაზე 27 400-მდე ადამიანი დარეგისტრირდა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com