დღეს, პირველ აპრილს, ქრისტიანთა დიდი ნაწილი იესო ქრისტეს მკვდრეთით აღდგომის დღეს ზეიმობს. საზეიმო ღვთისმსახურება ბათუმის კათოლიკურ და პროტესტანტულ ეკლესიებშიც გაიმართა.
სააღდგომო წირვა კათოლიკურ ეკლესიაში საღამოს კოცონის დანთებით დაიწყო. როგორც კათოლიკები ამბობენ, კოცონი ახალი ცხოვრების, ახალი დღის დასაწყისია, რომელიც იესომ მოიტანა. კოცონიდან ანთებული სანთლებით, მლოცველები ტაძარში გადადიან, სადაც ლიტურგია იწყება.
ბათუმის წმინდა სამების პროტესტანტულ ეკლესიაში კი სააღდგომო მსახურება დღეს ჩატარდა. პირველ აპრილს აღნიშნავს ქრისტეს აღდგომას სომხური სამოციქულო ეკლესიაც.
მართლმადიდებელი ეკლესია დღეს, პირველ აპრილს, ბზობის დღესასწაულს აღნიშნავს. ქრისტეს აღდგომის დღეს კი 8 აპრილს იზეიმებენ.
სააღდგომო მსახურება ბათუმის პროტესტანტულ ეკლესიაში
მთავარი ფოტო: სააღდგომო ლიტურგია ბათუმის კათოლიკურ ეკლესიაში / ლელა დუმბაძის ფოტო „ბათუმელების“ არქივიდან
ამავე თემაზე:
https://netgazeti.ge/news/264213/
![სააღდგომო ლიტურგია პირბადეებით, მაგრამ დისტანციის დაცვის გარეშე [ფოტო]](https://batumelebi.netgazeti.ge/wp-content/uploads/2021/05/აღდგომა-1-12.jpg)
