მწვანე კონცხის საბაგიროს დემონტაჟისთვის მერია 43 ათას ლარს დახარჯავს


ბათუმის მერია 43 ათასი ლარის დახარჯვას აპირებს მწვანე კონცხზე მდებარე ძველი საბაგიროს დემონტაჟისთვის.

„როგორც იცით, იქ ინვესტორი აპირებს ახალი საბაგიროს მოწყობას. ძველი საბაგირო არის ქალაქის საკუთრება და მისი დემონტაჟი ჩვენ უნდა მოვახდინოთ,“ – აღნიშნა ბათუმის მერიის საფინანსო სამსახურის უფროსმა, არჩილ ვანაძემ დღეს ბათუმის საკრებულოს სხდომაზე.

„რატომ უნდა დაფინანსდეს დემონტაჟი?  იმიტომ, რომ ივანიშვილს ტერიტორია გამოუთავისუფლოთ? იქნებ თვითონ იმ კომპანიამ მოახერხოს ძველი საბაგიროს დემონტაჟი,“ – განაცხადა ლევან ანთაძემ, საკრებულოს წევრმა „ნაციონალური მოძრაობიდან“.

კამათის შემდეგ მერიის საფინანსო სამსახურის უფროსმა, არჩილ ვანაძემ თქვა:

„ბოლოსდაბოლოს ჩამოხსნილი საბაგირო, რომელსაც ჯართში ჩავაბარებთ, ის აანაზღაურებს მაგას“.

საკრებულომ მწვანე კონცხზე ძველი საბაგიროს დემონტაჟისთვის ხარჯის გაღებას მხარი დაუჭირა. მერია ამ მომსახურების შესყიდვას ტენდერის გზით აპირებს.

ამავე თემაზე:

მწვანე კონცხის პლაჟს, სავარაუდოდ, ბიძინა ივანიშვილთან დაკავშირებული კომპანია ითხოვს

ნეტგაზეთის მასალების სხვა გამოცემებში გადაბეჭდვის წესი
ავტორი