მთავარი,სიახლეები

ბათუმში, თბილისსა და სენაკში კანონდარღვევით მოქმედი ექვსი სათამაშო აპარატი დალუქეს

30.03.2018 • 2277
ბათუმში, თბილისსა და სენაკში კანონდარღვევით მოქმედი ექვსი სათამაშო აპარატი დალუქეს

საქართველოს ფინანსთა სამინისტროს საგამოძიებო სამსახურის თანამშრომლებმა ბათუმში, თბილისსა და სენაკში უკანონო სამეწარმეო საქმიანობის ფაქტზე ადამიანთა ჯგუფი გამოავლინა, რომლებიც თანხას კანონდარღვევით მოქმედი სათამაშო აპარატების საშუალებით იღებდნენ.

უწყების ინფორმაციით, პირთა ჯგუფს დიდი ოდენობით შემოსავლის უკანონოდ მიღების მიზნით, სამ ქალაქში, ხალხმრავალ ადგილებში – ბაზრობების მიმდებარე ტერიტორიებზე, „ლიცენზიებისა და ნებართვების შესახებ“ საქართველოს კანონით გათვალისწინებული შესაბამისი ნებართვის გარეშე აზარტული თამაშებისთვის განკუთვნილი აპარატები ჰქონდათ განთავსებული.

საგამოძიებო მოქმედებების შედეგად ამოღებულია კანონდარღვევით მოქმედი ექვსი სათამაშო აპარატი.

გამოძიება მიმდინარეობს საქართველოს სისხლის სამართლის კოდექსის 192-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.

გადაბეჭდვის წესი