დღეს დილით ბათუმის პორტში თურქეთის სამხედრო-საზღვაო ძალების ხომალდები – TGG Fatih-ი და TGG Volkan-ი შემოვიდნენ. ვიზიტი ერთობლივ წვრთნებს – “ზღვის ვარსკვლავი 2018” – უკავშირდება.
ხომალდების ეკიპაჟს, რომელსაც ვიცე-ადმირალი ჯემალ ოზდენ იაზიჯიოღლუ ხელმძღვანელობს, ბათუმის პორტში თურქეთის კონსული, ბათუმის მერი და აჭარის მთავრობის თავმჯდომარე დახვდნენ.
საპორტო ვიზიტის შემდეგ, რომელიც პირველ აპრილს დასრულდება, 2 აპრილს საქართველოს სანაპირო დაცვის გემებთან ერთად ჩატარდება PASSEX-ის წვრთნები.
საპორტო ვიზიტები და ერთობლივი წვრთნები ორ ქვეყანას შორის თავდაცვის სფეროში თანამშრომლობას ითვალისწინებს.