მთავარი,სიახლეები

500 ლარამდე ჯარიმა ან სისხლისსამართლებრივი პასუხისმგებლობა ბზის მოჭრისთვის

29.03.2018 • 1896
500 ლარამდე ჯარიმა ან სისხლისსამართლებრივი პასუხისმგებლობა ბზის მოჭრისთვის
 გარემოს დაცვისა და სოფლის მეურნეობის სამინისტრო, ბზობის  დღესასწაულის მოახლოებასთან ერთად, ბზის მოჭრაზე კონტროლს განსაკუთრებით ამკაცრებს. სამინისტრო მოსახლეობას აფრთხილებს, თავი შეიკავონ ბზის მოჭრისგან. სამართალდარღვევაზე გავრცელდება კანონით დადგენილი სანქციები.

გარემოს დაცვისა და სოფლის მეურნეობის სამინისტროს განცხადებით, დაშვებულია ეროვნულ საშენ მეურნეობასა და კერძო სანერგეებში გამოყვანილი ბზის რეალიზაცია.

ტყეში ბზის მოჭრა, ამოძირკვა ან ტოტების დაზიანება დასჯადი ქმედებაა და ითვალისწინებს როგორც ადმინისტრაციულ, ასევე სისხლის სამართლის პასუხისმგებლობას. საჯარიმო სანქციების ოდენობა 200-დან 500 ლარამდეა, ხოლო, თუ გარემოსათვის მიყენებული ზიანი 1000 ლარს გადააჭარბებს – დაიწყება გამოძიება.

 

გადაბეჭდვის წესი


ასევე: