ბათუმში გაზი გაითიშა – მიწოდება დილიდან აღდგება

„ბუნებრივი აირის მიწოდება ხვალ დილის 9 საათიდან აღდგება,“ – აცხადებენ „სოკარ ჯორჯია გაზში“.

ბათუმსა და ხელვაჩაურში 30 ათასამდე აბობენენტს დღეს საღამოს, 6 საათიდან, ბუნებრივი აირის მიწოდება შეუწყდა.

კომპანიაში – „სოკარ ჯორჯია გაზი“ განმარტავენ, რომ ბუნებრივი აირის შეზღუდვა მესხის ქუჩაზე გზის სარეაბილიტაციო სამუშაოებს უკავშირდება, რომლის დროსაც მაგისტრალური სადენი დაზიანდა.

დაჩი მახარაძე, „სოკარ ჯორჯია გაზის“ აჭარის საავარიო-საექსპლუატაციო სამსახურის უფროსი: „დაზიანებული მილი ამ დროისთვის აღდგენილია, მაგრამ უსაფრთხოების გამო ღამით ბუნებრივ აირს სისტემაში არ გავუშვებთ. გაზის მიწოდება მოსახლეობის სრული ინფორმირების შემდეგ მოხდება…

„ძველი ბათუმის“ გარდა, თითქმის ყველგან ბუნებრივი აირი გათიშულია. მთლიანად არის ასევე გათიშული ხელვაჩაური. გაზი მიეწოდება მხოლოდ ბარცხანა-ბონის დასახლებას და ბათუმში რამდენიმე ქუჩას, რომლებიც ცალკე მილზე იყო მიერთებული“.

ნეტგაზეთის მასალების სხვა გამოცემებში გადაბეჭდვის წესი


ავტორი