მთავარი,სიახლეები

208 ეკომიგრანტი ოჯახი ბათუმში ბინას მიიღებს

26.03.2018 • 1880
208 ეკომიგრანტი ოჯახი ბათუმში ბინას მიიღებს

აჭარის ჯანდაცვის სამინისტროს ინფორმაციით, სოფელ წაბლანაში სტიქიის შედეგად დაზარალებული 208 ოჯახი ბათუმში საცხოვრებელ ბინას მიიღებს.

საცხოვრებელი ბინები განთავსებულია ბათუმში, ტაბიძის ქუჩაზე, 16-სართულიან კორპუსში. ამავე კორპუსში მიიღებს ბინებს 164 დევნილი ოჯახიც, რომლებიც აჭარაში არიან რეგისტრირებული.

როგორც ჯანდაცვის სამინისტროში აცხადებენ, საცხოვრებელი კორპუსის მშენებლობისთვის ბიუჯეტიდან 9 მილიონი ლარი გამოიყო. კორპუსის მშენებლობა 2018 წლის შემოდგომაზე დასრულდება.

დევნილმა ოჯახებმა რეგისტრაცია ბათუმში, აღმაშენებლის 19 ნომერში უნდა გაიარონ.

გადაბეჭდვის წესი


ასევე: