ბათუმის მერია საბავშვო ბაღებსა და „ავტოტრანსპორტში“ ხელფასების გაზრდას გეგმავს

ბათუმის მერია საკრებულოში ბიუჯეტის ცვლილების ინიცირებას გეგმავს. ცვლილება ადმინისტრაციული ხარჯების შემცირების, ელექტრონული ტენდერების შედეგად დაფიქსირებული ეკონომიების ხარჯზე რამდენიმე ახალი პროგრამის განხორციელებას და მუნიციპალურ ორგანიზაციებში დასაქმებულებისთვის ხელფასების გაზრდას ითვალისწინებს. მერიის საფინანსო სამსახურის ინფორმაციით, ამ თანხამ ოთხი მილიონი ლარი შეადგინა.

ხელფასის გაზრდა თანამდებობრივი სარგოს 20 %-მდე გათვალისწინებულია საბავშვო ბაღის აღმზრდელების, აღმზრდელის თანაშემწეებისა და ტექნიკური პერსონალისათვის ახალი სასწავლო წლიდან.

მერიის ინფორმაციით, საბავშვო ბაღების თანამშრომლები მიმდინარე წლის თებერვლიდან უკვე იღებენ 20 %-ით მეტ ხელფასს, სექტემბრიდან კი დაგეგმილია დამატებითი ზრდა.

მერიის ინფორმაციით, 2018 წლის პირველი ივლისიდან დაგეგმილია ასევე შპს „ბათუმის ავტოტრანსპორტში“ დასაქმებული მძღოლების შრომის ანაზღაურების გაზრდა (საათში 0,50 ლარის ოდენობით 6,25 ლარამდე).

ნეტგაზეთის მასალების სხვა გამოცემებში გადაბეჭდვის წესი


ავტორი