ქობულეთში ბენზინგასამართი სადგური გაძარცვეს

ქობულეთში, მესხიძის ქუჩაზე, სოფელ კვირიკეს გზაზე ავტოგასამართი სადგური გაძარცვეს. შემთხვევა 20 მარტს, საღამოს 9 საათზე მოხდა.

თვითმხილველების თქმით, მძარცველები ბენზინგასამართ სადგურში მას შემდეგ შევიდნენ, როცა მესაკუთრემ შენობა დატოვა. დანებით შეიარაღებულმა მძარცველებმა მოლარე ოპერატორს 70 ლარი წაართვეს. თავდასხმაში ორი პირი მონაწილეობდა.

შინაგან საქმეთა სამინისტროს ინფორმაციით, დაწყებულია გამოძიება სისხლის სამართლის კოდექსის 178-ე მუხლის შესაბამისად, რაც ძარცვას გულისხმობს. ჯგუფურად ჩადენილი ძარცვა სასჯელის სახით 5-დან 8 წლამდე თავისუფლების აღკვეთას ითვალისწინებს.

ბენზინგასამართი სადგურის მესაკუთრე სულხან ჭყონიაა. მან „ბათუმელების“ სატელეფონო ზარს არ უპასუხა.

ბენზინგასამართი სადგური ქობულეთში, სოფელ კვირიკეს გზაზე

ნეტგაზეთის მასალების სხვა გამოცემებში გადაბეჭდვის წესი


ავტორი