მთავარი,მთიანი აჭარა,რეკლამა,სიახლეები

ქობულეთის მუნიციპალიტეტში აგრომომსახურების ცენტრი და ახალი სათბურები შენდება

21.03.2018 • 3503
ქობულეთის მუნიციპალიტეტში აგრომომსახურების ცენტრი და ახალი  სათბურები შენდება

აჭარის მთავრობის თავმჯდომარემ, ზურაბ პატარაძემ, აჭარის სოფლის მეურნეობის მინისტრთან, ავთანდილ მესხიძესთან ერთად, ქობულეთის მუნიციპალიტეტში სასოფლო-სამეურნეო აგრომომსახურების ცენტრი დაათვალიერა, სადაც მშენებლობის პროცესი დამამთავრებელ ეტაპზეა.

აჭარის სოფლის მეურნეობის სამინისტროს მიერ შემუშავებული სპეციალური ქვეპროგრამის „ადგილობრივად წარმოებული პროდუქციის რეალიზაციის ხელშეწყობა“ ფარგლებში, აჭარის ყველა მუნიციპალიტეტში აგრომომსახურების ცენტრების მშენებლობა პარალელურ რეჟიმში მიმდინარეობს და ზაფხულის ბოლომდე დასრულდება. აღნიშნული ქვეპროგრამის ბიუჯეტი 2 644 540 ლარია.

აჭარის მთავრობის თავმჯდომარემ ზურაბ პატარაძემ აჭარის სოფლის მეურნეობის მინისტრთან ავთანდილ მესხიძესთან ერთად ქობულეთის მუნიციპალიტეტში სასოფლო-სამეურნეო აგრომომსახურების ცენტრი დაათვალიერა

ზურაბ პატარაძემ, აჭარის სოფლის მეურნეობის მინისტრთან ავთანდილ მესხიძესთან ერთად, ქობულეთის მუნიციპალიტეტში სასოფლო-სამეურნეო აგრომომსახურების ცენტრი დაათვალიერა.

ქობულეთის სასოფლო-სამეურნეო აგრომომსახურების ცენტრი აღიჭურვება სამაცივრე დანადგარებით, სოფლის მეურნეობის პროდუქციის დამხარისხებელ-შემფუთავი ტექნოლოგიური ხაზით, შესაბამისი სატრანსპორტო და წარმოების სხვა საშუალებებით. ფერმერები ადგილზე უზრუნველყოფენ პროდუქციის ტრანსპორტირებას, დახარისხებას, შენახვასა და ქსელში მოხვედრას, რაც მათ დაეხმარება ჭარბად წარმოებული პროდუქციის რეალიზაციაში. შედეგად, ფერმერის შემოსავალი პირდაპირ იქნება მიბმული პროდუქციის საბოლოო სარეალიზაციო ფასთან.

მშენებლობის პროცესი მალე დასრულდება

სათბურების მშენებლობის პროცესი მალე დასრულდება.

ზურაბ პატარაძე და ავთანდილ მესხიძე, ქობულეთის მერთან მირიან ქათამაძესთან ერთად ქობულეთის მუნიციპალიტეტის სოფელ გვარაში იმყოფებოდნენ, სადაც ახალი სათბურების მშენებლობის მიმდინარეობას გაეცნენ.

2018 წელს, ქობულეთის მუნიციპალიტეტში 2.5 ჰა-ზე მოეწყობა 50 ერთეული სათბური. 500 მ2 ფართის მქონე  სათბურები აღჭურვილი იქნება წვეთოვანი სარწყავი და სავენტილაციო სისტემით, ელექტრო ენერგიით. ასევე, 150 ტონიანი სარწყავი წყლის ორი რეზერვუარით, მოეწყობა მისასვლელი გზები და სანიაღრვე არხები, რომლებითაც ფერმერები და აგრომეწარმეები ისარგებლებენ.

მნიშვნელოვანი პროექტი ხორციელდება ქობულეთის მუნიციპალიტეტში. ქობულეთში სათბურების მშენებლობას დიდი პერსპექტივა აქვს. რა თქმა უნდა, ამ სათბურებით ისარგებლებენ ჩვენი ფერმერები, ადგილობრივი მოსახლეობა, დაინტერესებული ადამიანები, ვინც მოიყვანს სხვადასხვა კულტურას, ბოსტნეულს, ხილს. ვფიქრობ, ეს არის ძალიან კარგი თანამშრომლობის ფორმა მთავრობას, მუნიციპალიტეტსა და ფერმერებს შორის. ერთობლივად ამ მიმართულებით მნიშვნელოვან პროექტებს მომავალშიც განვახორციელებთ’’

ჩვენ დღეს ასევე დავათვალიერეთ ლოჯისტიკური ცენტრის მშენებლობა, ვნახეთ რომ ქობულეთის ლოჯისტიკური ცენტრი ფაქტობრივად დასრულებულია. ეს იყო ჩვენი წინასაარჩევნო დაპირება. უკვე მოწყობილია სივრცე, სადაც შეიძლება ხილის, ბოსტნეულის მიღება, შემოტანილია დასაფასოებელი დანადგარები, შეძენილი ასევე ტექნიკა, რომლის მეშვეობითაც უშუალოდ მომხმარებელს მიეწოდება საქონელი.  მსგავსი ლოჯისტიკური ცენტრების შექმნა სხვადასხვა მუნიციპალიტეტში, ხელს შეუწყობს ფერმერებს მოსავლის რეალიზაციაში ადგილზევე, უფრო მაღალ ფასში. ვფიქრობ, ამ პროექტით ფერმერებს მიცემათ მეტი განვითარების და წარმატების საშუალება – აცხადებს აჭარის მთავრობის თავმჯდომარე ზურაბ პატარაძე.

პროექტი სოფლის მეურნეობის სამინისტროს ა(ა)იპ აგროპროექტების მართვის ცენტრის ქვეპროგრამის ,,სასათბურე მეურნეობის განვითარების ხელშეწყობა’’ ფარგლებში ხორციელდება. იგი თანამედროვე ეფექტური ტექნოლოგიების გამოყენებით სასათბურე სექტორის განვითარებას ისახავს მიზნად. აღნიშნული ქვეპროგრამის ბიუჯეტი 2 მილიონ 454 ათას 867.

პროექტის ფარგლებში, ფერმერებს გაეწევათ ტექნიკური მხარდაჭერა სათბურებში პროდუქციის რეალიზაციასთან დაკავშირებით. სასათბურე მეურნეობის განვითარება ხელს შეუწყობს რეგიონში  ახალი სასოფლო-სამეურნეო ფუნქციის მქონე ზონების გაჩენას. ეს კი თავის მხრივ, მსხვილ სათბურებში ბოსტნეული კულტურების წარმოების განვითარებას, მოსახლეობის შემოსავლების გაზრდას და სასურსათო უსაფრთხოებას უზრუნველყოფას  შეუწყობს ხელს.

გადაბეჭდვის წესი


ასევე: