22 მარტს სარფის გამშვებ პუნქტზე მიმოსვლა 12 საათით შეჩერდება

სარფის სასაზღვრო გამშვებ პუნქტზე თურქეთის მხარეს მიმდინარე სარეკონსტრუქციო სამუშაოების ფარგლებში, 2018 წლის 22 მარტის დილის 8 საათიდან ამავე დღის საღამოს 8 საათამდე მგზავრთა და სატრანსპორტო საშუალებების გატარება დროებით იქნება შეჩერებული.

ინფორმაციას ამის შესახებ ავრცელებს თურქეთის გენერალური საკონსულო ბათუმში.

საკონსულოს ინფორმაციით, საზღვარზე მიმოსვლის შეჩერება თურქეთის მხარეს კომპიუტერული სისტემის ახალ შენობაში გადატანას უკავშირდება.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com