ბათუმის მუნიციპალიტეტის საკრებულომ დღეს, მორიგ სხდომაზე, ერთ-ერთ საკითხად „ქალაქ ბათუმის მუნიციპალიტეტის ადმინისტრაციული ერთეულების შექმნისა და მათი საზღვრების დადგენის შესახებ“ ბათუმის საკრებულოს 2014 წლის 29 აგვისტოს N29 დადგენილებაში ცვლილებების შეტანის საკითხი განიხილა.
დადგენილების მიხედვით, ბაგრატიონის ადმინისტრაციული ერთეული იყოფა ორ ნაწილად და ყალიბდება ბაგრატიონის პირველი ადმინისტრაციული ერთეულისა და ბაგრატიონის მეორე ადმინისტაციული ერთეულის სახით, ხოლო ძველი ბათუმისა და რუსთაველის ადმინისტრაციული ერთეულების საზღვრები იცვლება და ნაწილი ტერიტორია ძველი ბათუმის ადმინისტრაციული ერთეულისა გადადის რუსთაველის ადმინისტრაციული ერთეულის საზღვრებში.
დადგენილების მიხედვით, ბაგრატიონის ადმინისტრაციული ერთეული იყოფა ორ ნაწილად და ყალიბდება ბაგრატიონის პირველი ადმინისტრაციული ერთეულისა და ბაგრატიონის მეორე ადმინისტაციული ერთეულის სახით.
დადგენილების თანახმად, ბაგრატიონის პირველი ადმინისტრაციული ერთეულის საზღვრებში მოექცევა – ჭავჭავაძისა და 26 მაისის ქუჩების კვეთიდან ბაქოსა და ჭავჭავაძის ქუჩების კვეთამდე – ჭავჭავაძის ქუჩის კენტ მხარეს; ბაქოსა და ჭავჭავაძის ქუჩების კვეთიდან ბაქოსა და შავშეთის ქუჩების კვეთამდე – ბაქოს ქუჩის ორივე მხარე (ზღვის სანაპირო ზოლის მხარე); ბაქოსა და შავშეთის ქუჩების კვეთიდან შავშეთის, სერგი მესხისა და მამია ვარშანიძის ქუჩების კვეთამდე – შავშეთის ქუჩის ლუწი მხარე; შავშეთის, სერგი მესხისა და მამია ვარშანიძის ქუჩების კვეთიდან მამია ვარშანიძისა და სულაბერიძის ქუჩების კვეთამდე – მამია ვარშანიძის ქუჩის ლუწი მხარე; მამია ვარშანიძისა და სულაბერიძის ქუჩების კვეთიდან სულაბერიძისა და ბაგრატიონის ქუჩების კვეთამდე – სულაბერიძის ქუჩის კენტი მხარე; სულაბერიძისა და ბაგრატიონის ქუჩების კვეთიდან ბაგრატიონისა და 26 მაისის ქუჩების კვეთამდე – ბაგრატიონის ქუჩის ლუწი მხარე; ბაგრატიონისა და 26 მაისის ქუჩების კვეთიდან ჭავჭავაძისა და 26 მაისის ქუჩების კვეთამდე – 26 მაისის ქუჩის კენტ მხარეს შორის არსებული ტერიტორია.
დადგენილება ძალაში 2018 წლის პირველი მაისიდან შევა.
ბაგრატიონის მეორე ადმინისტრაციული ერთეულის საზღვრებში შევა – ტბელ აბუსერიძისა და გენ. ასლან აბაშიძის ქუჩების კვეთიდან ჭავჭავაძისა და 26 მაისის ქუჩების კვეთამდე – ტბელ აბუსერიძის ქუჩის ლუწი და ჭავჭავაძის ქუჩის კენტი მხარე; ჭავჭავაძისა და 26 მაისის ქუჩების კვეთიდან 26 მაისისა და ბაგრატიონის ქუჩების კვეთამდე – ლუწი მხარე; ბაგრატიონისა და 26 მაისის ქუჩების კვეთიდან ბაგრატიონისა და გენ. ასლან აბაშიძის ქუჩების კვეთამდე – ლუწი მხარე; ბაგრატიონისა და გენ. ასლან აბაშიძის ქუჩების კვეთიდან ტბელ აბუსერიძის და გენ. ასლან აბაშიძის ქუჩების კვეთამდე – გენ. ასლან აბაშიძის ქუჩის ლუწ მხარეს შორის არსებული ტერიტორია.
ძველი ბათუმის ადმინისტრაციული ერთეულის საზღვრებში მოექცევა – 26 მაისისა და ჭავჭავაძის ქუჩების კვეთიდან ზუბალაშვილისა და 26 მაისის ქუჩების კვეთამდე – კენტი მხარე; ზუბალაშვილისა და 26 მაისის ქუჩების კვეთიდან ვაჟა-ფშაველასა და ზუბალაშვილის ქუჩების კვეთამდე – კენტი მხარე; ზუბალაშვილისა და ვაჟა-ფშაველას ქუჩების კვეთიდან ნინოშვილისა და ვაჟა-ფშაველას ქუჩების კვეთამდე – კენტი მხარე; ნინოშვილისა და ვაჟა-ფშაველას ქუჩების კვეთიდან, ზღვის სანაპირო ზოლის ჩათვლით, გოგებაშვილისა და ჭავჭავაძის ქუჩების კვეთამდე; გოგებაშვილისა და ჭავჭავაძის ქუჩების კვეთიდან ჭავჭავაძისა და 26 მაისის ქუჩების კვეთამდე – ჭავჭავაძის ქუჩის ლუწ მხარეს შორის არსებული ტერიტორია.
რუსთაველის ადმინისტრაციული ერთეულის საზღვრებში შევა – ტბელ აბუსერიძისა და ჯავახიშვილის ქუჩების კვეთიდან შ. ხიმშიაშვილისა და ჯავახიშვილის ქუჩების კვეთამდე – ჯავახიშვილის ქუჩის კენტი მხარე; შ. ხიმშიაშვილისა და ჯავახიშვილის ქუჩების კვეთიდან, ზღვის სანაპირო ზოლის ჩათვლით, ვაჟა-ფშაველასა და ნინოშვილის ქუჩების კვეთამდე; ნინოშვილისა და ვაჟა-ფშაველას ქუჩების კვეთიდან ზუბალაშვილისა და ვაჟა-ფშაველას ქუჩების კვეთამდე – ლუწი მხარე; ზუბალაშვილისა და ვაჟა-ფშაველას ქუჩების კვეთიდან ზუბალაშვილისა და 26 მაისის ქუჩების კვეთამდე – ლუწი მხარე; 26 მაისისა და ზუბალაშვილის ქუჩის კვეთიდან ჭავჭავაძისა და 26 მაისის ქუჩების კვეთამდე – ლუწი მხარე; 26 მაისისა და ჭავჭავაძის ქუჩების კვეთიდან ტბელ აბუსერიძისა და ჯავახიშვილის ქუჩების კვეთამდე – ჭავჭავაძის ქუჩის ლუწ მხარეს და ტბელ აბუსერიძის ქუჩის კენტ მხარეს შორის არსებული ტერიტორია.
საკრებულოს სხდომაზე დადგენილებით, ასევე, დამტკიცდა ქ. ბათუმის მუნიციპალიტეტის ადმინისტრაციული ერთეულების საზღვრების სქემატური რუკა. დადგენილება ძალაში 2018 წლის პირველი მაისიდან შევა.
