საცხოვრებელი სახლის სახურავის მოთხოვნით ქედის მერიაში 240-მდე მოქალაქის განაცხადია შესული, შესაბამისად, აქ საცხოვრებელი სახლისთვის სახურავს ამდენივე ოჯახი ელოდება. სახურავის დახმარებით მერიას წელს 70-მა ოჯახმა მიმართა, დანაჩენმა კი წერილობითი მოთხოვნა მერიაში 2017 წელს შეიტანა.
ქედის მერიის ჯანდაცვის სამსახურის უფროსის, დავით თედორაძის თქმით, მერია შეჭირვებული ოჯახებისთვის სახურავებს შისყიდის. მერიაში შიქმნება სპეციალური კომისია, რომელიც იმ ოჯახების მდგომარეობას შეისწავლის, რომლებიც მერიას დახმარებას სთხოვენ და თუნუქის ფურცლებს პირველ ეტაპზე მძიმე სოციალურ-ეკონომიკური ფონის მქონე ოჯახებს გადასცემენ. თუმცა კონკრეტულად რამდენი ოჯახი მიიღებს თუნუქის სახურავს სახელმწიფოსგან უფასოდ, რა ოდენობით და რა კრიტერიუმით, ჯერ ცნობილი არ არის.
„ვფიქრობ, პირველ ეტაპზე დახმარებას ისეთი შეჭირვებული ოჯახები მიიღებენ, რომელთა საცხოვრებელი სახლები აუცილებლად საჭიროებს სახურავის შეცვლას, გადაწყვეტილებას კომისია მიიღებს,“ – ამბობს დავით თედორაძე.
ქედის მერია წელს მოსახლეობისთვის თუნუქის ფურცლების შესყიდვაზე 30 000 ლარს დახარჯავს. 1885 ცალ თუნუქის ფურცლის შესყიდვაზე მერიამ ტენდერი გუშინ, 14 მარტს, გამოაცხადა.
