ქედის მერია წელს დაბაში ახალათვისებულ ტერიტორიებს კეთილმოაწყობს

დაბა ქედაში, მდინარე აჭარისწყლის მარცხენა სანაპიროზე დამატებული ტერიტორიის კეთილმოწყობისთვის ქედის მერიამ პროექტი გასულ წელს შეისყიდა. 2017 წლის 22 სექტემბრის N 220 ხელშეკრულების თანახმად, პროექტი 4 896 ლარად შპს ,,საბამ“ მოამზადა.

პროექტის მიხედვით:
  • კეთილმოეწყობა სრულად მდინარე აჭარისწყლის მარცხენა სანაპიროზე დამატებული ტერიტორია;
  • მოეწყობა საყრდენი კედლის გასწვრივ დეკორატიული გარე განათებები;
  • მოეწყობა საყრდენი კედლის გასწვრივ ტროტუარი ფერადი, დეკორატიული ბეტონის ფილებით;
  • გაიმართება მიწისქვეშა კომუნიკაცია;
  • დაგეგმილია აღნიშნული ტერიტორიის მოშანდაკება და მოსწორება, ტერიტორიის ტოპოგეგმის შედგენა.
  • ლითონის ჯებირების მოწყობა;
  • ასფალტის საფარის მოწყობას და სხვა მნიშვნელოვანი ინფრასტრუქტურული სამუშაოები.

პროექტის დასრულების შემდეგ, დაბა ქედას როგორც ადგილობრივებისთვის, ასევე ტურისტებისთვის კიდევ ერთი მიმზიდველი და საინტერესო ლოკაცია შეემატება.

პროექტს, რომლის ბიუჯეტი 649 000 ლარია, ქედის მერია წელს განახორციელებს.

დაბა ქედაში ისტორიული პროექტის – მდინარე აჭარისწყლისა და აკავრეთას ნაპირსამაგრი სამუშაოები გასულ წელს დასრულდა. ორივე მდინარე წყალუხვობისას საფრთხეს უქმნიდა როგორც მოსახლეობას, ასევე დაწესებულებებს.

პროექტს ადგილობრივებმა ისტორიული უწოდეს. ორწლიანი მშენებლობის ბიუჯეტი 1 745 000 ლარს შეადგენდა.

პროექტის რუკა

პროექტის რუკა

ნეტგაზეთის მასალების სხვა გამოცემებში გადაბეჭდვის წესი


ავტორი