ფრაგმენტები სიგარეტისა და ალკოჰოლის რეკლამის ისტორიიდან

მსოფლიოს სხვადასხვა ქვეყანაში თამბაქოს საწინააღმდეგო კამპანიების პარალელურად ამავე პროდუქტის უამრავი რეკლამა მზადდება.

ჯიმ ჰეინის ახალ წიგნში „alcohol and tobacco“ ალკოჰოლისა და სიგარეტის  რეკლამის 100-წლიანი ისტორიაა ასახული, თუ როგორ იზიდავდნენ ცნობილი და დიდი კომპანიები ერთი საუკუნის განმავლობაში მომხმარებლებს და რა სტრატეგიებს იყენებდნენ „მავნე ჩვევების“ ხელშემწყობი პროდუქტების პოპულარობისთვის.

წიგნი ვრცლად ვებგვერდ taschen-ზეა ხელმისაწვდომი.

„Marlboro”-ს 1973 წლის ეს რეკლამა 70-იანი წლებისთვის დამახასიათებელი პათოსით გამოირჩევა, როცა ჯანმრთელობაზე თამბაქოს ნეგატიურ ზეგავლენას უსვამდნენ ხაზს, თუმცა მალბოროს სარეკლამო ხრიკი გემოვნებასა და ხარისხზე აქცენტის გაკეთებაა.

ფოტო: Courtesy Jim Heimann Collection/TASCHEN

1970 წლის ეს რეკლამა იყო „Kent“-ის მცდელობა, შავკანიან მომხმარებელთა ყურადღების მისაპყრობად.

ფოტო: Courtesy Jim Heimann Collection/TASCHEN

„Lucky Strike“-ის ძველ სარეკლამო პოსტერებზე ძირითადად ცნობილი ადამიანები ჩანან. რეკლამა ირწმუნება, რომ „Lucky Strike“  სხვა სიგარეტთან შედარებით გაცილებით ნაკლებ ზიანს აყენებს ყელს. რეკლამა 1935 წელს დაამზადეს.

ფოტო: Courtesy Jim Heimann Collection/TASCHEN

ლუდსახარში ქარხანა „Cuauhtémoc Brewery” 1890 წელს დაარსდა და 1893 წელს ჩამოასხა თავისი პირველი ლუდი „Carta Blanca“. ამ ლუდმა ჩიკაგოსა და პარიზის მსოფლიო ბაზრობაზე პირველი ადგილი მოიპოვა და პრიზიც მიიღო. ლუდსახარში „Cuauhtémoc Brewery“ ამჯერად „Heineken International“-ის საკუთრებაა. ლუდ „Carta Blanca“-ს ქვემოთ მოცემული რეკლამა 1943 წელს ჟურნალ „Life“-ს ივლისის ნომერში დაიბეჭდა.

ფოტო: Courtesy Jim Heimann Collection/TASCHEN

ეს კი ლუდ Schlitz-ის 1951 წლის რეკლამაა, რომელიც ასევე ჟურნალ „Life“-ში გამოქვეყნდა. ალკოჰოლური ფირმის სარეკლამო სტრატეგიაა დაარწმუნოს მომხმარებელი, რომ ლუდი ყოველდღიური განტვირთვის აუცილებელი ნაწილია.

ფოტო: Courtesy Jim Heimann Collection/TASCHEN

„Murad“-ი  „თურქული სიგარეტის“ სახელით ცნობილი ბრენდია, ინტერნეტში ხელმისაწვდომია ამ ფირმის  ყველაზე ძველი, 1919 წლის სარეკლამო პოსტერებიც კი.

ფოტო: Courtesy Jim Heimann Collection/TASCHEN

ლუდ „Bud Light“-ის ამ რეკლამამ საზოგადოებაში აზრთა სხვადასხვაობა გამოიწვია. კომპანიის არტდირექტორმა, ჯონ მორმა „Bud Light“-ის სარეკლამო სახე, რისთვისაც პიტბული „Spuds MacKenzie“ გამოიყენა, ძაღლის სარეკლამო სახემ მარკეტინგული თვალსაზრისით გაამართლა, თუმცა საზოგადოების დიდი ნაწილი მიიჩნევდა, რომ რეკლამა ცხოველთა უფლებებს არღვევს და არაეთიკურია.

ფოტო: Courtesy Jim Heimann Collection/TASCHEN

ამერიკული სიგარეტის „Old Gold“-ის რეკლამებს ყოველთვიურად მხატვარი  ჯორჯ პეტი ქმნიდა, მისი ეს რეკლამა, მაგალითად, 1950 წლითაა დათარიღებული.

ფოტო: Courtesy Jim Heimann Collection/TASCHEN

წყარო: Guardian

oldbeerads.blogspot 

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან