მთავარი,სიახლეები

გამოცემა „Le Monde“ КГБ-ს აგენტ პუტინის შესახებ სტატიების ციკლს იწყებს

08.03.2018 • 1463
გამოცემა „Le Monde“ КГБ-ს აგენტ პუტინის შესახებ სტატიების ციკლს იწყებს

ფრანგული გამოცემა „Le Monde“ რუსეთის საპრეზიდენტო არჩევნებამდე, რომელიც 18 მარტს უნდა ჩატარდეს, ვლადიმირ პუტინის შესახებ მომზადებული სტატიების ციკლს გამოაქვეყნებს. „ქალაქები, რომლებმაც პუტინი ჩამოაყალიბეს“- ამ სათაურის ქვეშ გაერთიანდება სტატიების ციკლი, რომლის პირველ წერილსაც ფრანგული გამოცემა პუტინის ყოფილ გდრ-ში ცხოვრების პერიოდს აღწერს. კრემლის ლიდერი 1985-1900-იან წლებში აქ КГБ-ს ოფიცრად მიავლინეს.

КГБ-ს სახლი დრეზდენში ახლაც არსებობს, ქალაქის ცენტრთან ახლოს. ორსართულიან, პირქუშ შენობაში, რომლის კედლებიც კრემისფრადაა შეღებილი, გდრ-ის პერიოდში პასუხისმგებელი აგენტები აკვირდებოდნენ უმნიშვნელო დისიდენტურ გამოვლინებებსაც კი, მოპოვებულ ინფორმაციას კი აღმოსავლეთ ბერლინში მდებარე შტაბ-ბინას გადასცემდნენ. ვლადიმირ პუტინი დრეზდენში პოლიტიკოსებისა და „პოტენციური მტრების“ შესახებ აგროვებდა ინფორმაციას.

შტაბ-ბინასთან ახლოს, რამდენიმე მეტრის დაშორებით იყო აღმოსავლეთ გერმანიისა და რუსეთის აგენტების, მათი ოჯახებისთვის განკუთვნილი საცხოვრებელი სახლი საფეხბურთო მოედნით.

სახლიდან სულ რამდენიმე მეტრის დაშორებით იყო შტაზის – აღმოსავლეთ გერმანიის პოლიტიკური პოლიციის შტაბ-ბინა, რომელშიც პოლიტპატიმრებისთვის განკუთვნილი 50-მდე საკანი იყო განთავსებული.

დრეზდენში პუტინი ადრეულ წლებში КГБ-სგან მიღებული გამოცდილებით გადიოდა პრაქტიკას, გერმანიაში ჩამოსვლისას, 1985 წელს ის 32 წლის იყო, თან ახლდა ოჯახი: ცოლი – ყოფილი ბორტგამცილებელი, სახელად ლუდმილა, რომელსაც რთული გამოცდა და დაკვირვება უნდა გაევლო, რომ მისი მდუმარებისა და საიდუმლოს არგათქმის უნარი შეემოწმებინათ, ასევე მკაცრ სამედიცინო შემოწმებებს გადიოდნენ აგენტების ოჯახის წევრები, რომ შტაბ-ბინაში ავადმყოფობების შეღწევის რისკი მაქსიმალურად ნაკლები ყოფილიყო. პუტინთან ერთად იყო დრეზდენში მისი უფროსი ქალიშვილი, მარია.

წყარო: Le Monde 

გადაბეჭდვის წესი