საქართველო-თურქეთს შორის სარფის გავლით მიმოსვლა აღდგენილია

ფინანსთა სამინისტროს შემოსავლების სამსახურის ინფორმაციით, საქართველო-თურქეთს შორის მიმოსვლა სასაზღვრო გამშვები პუნქტი სარფის გავლით, გუშინ ღამის 12 საათზე აღდგა.

თურქეთის რესპუბლიკის საბაჟო გამშვებ პუნქტში ელექტრონული სისტემა გუშინ, დაახლოებით 17 საათისთვის გაითიშა, რის გამოც, საქართველოსა და თურქეთს შორის მიმოსვლა სარფის გავლით, რამდენიმე საათის განმავლობაში შეჩერებული იყო.

პირველ ეტაპზე ორ ქვეყანას შორის მიმოსვლა შეფერხებით ხორციელდება. შემოსავლების სამსახურის ცნობით, თურქული მხარე, უმოკლეს დროში შეძლებს სრული დატვირთვით განახორციელოს მგზავრთა და ავტოსატრანსპორტო საშუალებების გატარება.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან