მამამ სრულწლოვან გოგონებს უცხო ბიჭის ოჯახში მიყვანისთვის სცემა

მოსამართლე ლევან გელოვანი დახურულ სხდომაზე განიხილავს გურამ ო.-ს საქმეს. მას ოჯახში ძალადობას ედავება გამოძიება. საქმის განხილვა დახურულია, რადგან ერთ-ერთი დაზარალებული არასრულწლოვანია.

გამოძიების ვერსიით, ბათუმში, ნაქირავებ ბინაში მისულმა მამამ სრულწლოვანi შვილები – გოგონები ფიზიკურად შეურაცხყო. ადვოკატის თქმით, მამა იმიტომ გაბრაზდა, რომ გოგონებს მეგობარი ბიჭი ჰყავდათ მიყვანილი სახლში, ხოლო სახლი მოუწესრიგებელი იყო. „საუბარია თმაში მოქაჩვაზე, ცემა არ ყოფილა. ერთ-ერთმა გოგომ მეორე დღეს დარეკა პოლიციაში,“ – გვიყვება მამის ადვოკატი, მერი ცინარიძე.

ამ საქმეში დაზარალებულის სტატუსი აქვს ბრალდებულის მეუღლეს, ორ სრულწლოვან და ერთ მცირეწლოვან შვილს. ბრალდებული ფიზიკურად მხოლოდ სრულწლოვან გოგონებს შეეხო. „დედა და დაახლოებით ექვსი წლის ბიჭი ამ კონფლიქტს შეესწრნენ და ამიტომ მიიჩნეს დაზარალებულად“,  – განმარტავს ადვოკატი.

დღევანდელ პროცესზე დაცვის მხარეს რომელიმე მტკიცებულება სადავოდ არ გაუხდია. შესაბამისად, სასამართლო რომელიმე შვილის ან ბრალდებულის ცოლის ჩვენებას ვერ მოისმენს.

დაცვის მხარემ ასევე წარმოადგინა ნაცემი გოგონების გამოკითხვის ოქმები. ისინი ხელს აწერენ იმას, რომ მამას შეურიგდნენ, ისევ ერთად ცხოვრობენ და მისი მკაცრად დასჯას აღარ ემხრობიან.

 

ნეტგაზეთის მასალების სხვა გამოცემებში გადაბეჭდვის წესი


ავტორი