ხუთსართულიანი სახლი ძეგლის დაცვის ზონაში – მშენებლობა ძველ ბათუმში

ბათუმში, ზ. გამსახურდიას N46-ში სასტუმროს ტიპის საცხოვრებელი სახლის მშენებლობა მიმდინარეობს. შენობა ხუთსართულიანი იქნება და ის კულტურული მემკვიდრეობის ძეგლის, გამსახურდიასა და კომახიძის ქუჩების კვეთაში არსებული ორსართულიანი სახლის გვერდით შენდება.

პროექტის თანახმად, ახალი შენობა ერთსართულიანი შენობის ადგილას აშენდება. აჭარის კულტურული მემკვიდრეობის დაცვის სააგენტოს ინფორმაციით, აღნიშნულ მისამართზე მშენებლობის პროექტი სააგენტოსთან შეთანხმებულია და ახალი შენობის სიმაღლე 17 მეტრი იქნება.

ზ. გამსახურდიას N46-ში, იქვე განთავსებული საინფორმაციო დაფის მიხედვით, მშენებლობის ნებართვა ბათუმის მერიას 2017 წლის 24 ოქტომბერს აქვს გაცემული, მშენებლობის ნებართვის მფლობელები კი ია, ირმა და მემედ დავითაძეები არიან.

ბათუმი, ზ. გამსახურდიას N46, სადაც ხუთსართულიანი სასტუმროს ტიპის საცხოვრებელი სახლი აშენდება /4.03.2018 / ფოტო: თედო ჯორბენაძე

პროექტის მაკეტი, რომლის მიხედვითაც ზ. გამსახურდიას N46-ში ხუთსართულიანი სასტუმროს ტიპის საცხოვრებელი სახლი აშენდება

სამშენებლო ღობე / ბათუმი, ზ. გამსახურდიას N46 / 4.03.2018 /

 

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com