როგორი ამინდი იქნება შაბათ-კვირას ბათუმში

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, უახლოეს დღეებში აჭარის დაბლობში უმეტესად ღრუბლიანი ამინდია მოსალოდნელი.

„დღეს, 21 საათიდან, ხვალ, 21 საათამდე, აჭარაში მოსალოდნელია ცვალებადი მოღრუბლულობა, უნალექოდ, იქროლებს ცვალებადი მიმართულების ქარი, 10-15 მეტრი წამში.

ჰაერის ტემპერატურა სანაპირო რაიონებში იქნება დღისით 10-15 სითბო, ღამით – 2-7 გრადუსი. მთაში – 5-10 გრადუსი სითბო, ღამით – 2-7 გრადუსი ყინვა.

4-5 მარტს მოსალოდნელია სანაპირო რაიონებში წვიმა, მაღალ მთაში – თოვა“ – უთხრა „ბათუმელებს“ მარინა ქათამაძემ, გარემოს ეროვნული სააგენტოს აჭარის რეგიონალურ ჰიდრომეტეოროლოგიური ობსერვატორიის უფროსმა სინოპტიკოსმა.

უახლოესი ორი დღის განმავლობაში ზღვაზე შტორმი მოსალოდნელი არ არის, მოსალოდნელია 2-3 ბალი ღელვა. ზღვის წყლის ტემპერატურა 8 გრადუსია.

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com