„კეთილმოწყობა“, „ბათუმის კორპუსი“ და „ტურისტული ობიექტების მართვის სააგენტო“ გაერთიანდება

ბათუმის მერიის კეთილმოწყობის სამსახური და მერიის ა[ა]იპ-ები: „ბათუმის კორპუსი“ და „ტურისტული ობიექტების მართვის სააგენტო“, ერთ სტრუქტურად გაერთიანდება, რომელიც მერიის დაქვემდებარებაში დარჩება. ამის შესახებ დღეს, პირველ მარტს, ბათუმის მერმა, ლაშა კომახიძემ, ანგარიშის წარდგენის დროს განაცხადა.

მერიაში დაგეგმილ რეორგანიზაციას „ბათუმელებთან“ ვიცე-მერი თენგიზ პეტრიძე ადასტურებს: „ერთ-ორ დღეში ყველა დეტალი გაირკვევა. რაც შეეხება ამ სამ სტრუქტურაში დასაქმებულებს, საშტატო ნუსხა არ არის ჯერ დადგენილი, მაგრამ ეს წარდგენილი იქნება საკრებულოში დასამტკიცებლად და, შესაბამისად, ნათელი გახდება ყველაფერი“.

ბათუმის მერიის პრესსამსახურში „ბათუმელებს“ უთხრეს, რომ ქალაქის მერია ახალი სტრუქტურის შესახებ დეტალურ ინფორმაციას ხვალ, 2 მარტს, გაავრცელებს.

ამავე თემაზე:

ბათუმის მერია აუქმებს ორ ა(ა)იპ-ს, სადაც 74 პირია დასაქმებული

 

 

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com