პუშკინის ქუჩაზე მშენებლობის მეორე სართულიდან ხის მასალები ჩამოცვივდა

ბათუმში, ლერმონტოვისა და პუშკინის ქუჩების კვეთაში, მშენებარე კორპუსიდან ხის მასალები ჩამოცვივდა. თვითმხილველის თქმით, შემთხვევის შედეგად არავინ დაშავებულა და მშენებლებმა მაშინვე მოაწესრიგეს ობიექტი.

მშენებლობას ამ მისამართზე კომპანია „Greentime“ აწარმოებს. მშენებლობის ბანერზე მითითებულ ტელეფონის ნომერზე „ბათუმელებს“ უთხრეს, რომ მშენებლობიდან ხის მასალების ჩამოცვენის შესახებ არაფერი იციან. რამდენიმე წუთში კომპანიის დირექტორმა, რამაზ კაკაბაძემ, დაგვირეკა და გვითხრა, რომ მშენებლობიდან მხოლოდ რამდენიმე ლამინატის საგანი ჩამოვარდა და საფრთხე ქვეითებისთვის არ შექმნილა.

ამ შემთხვევის შესახებ ინფორმაცია არც ბათუმის მერიაში აქვთ. მერიის პრესსამსახურში გვითხრეს, რომ ზედამხედველობის სამსახურის წარმომადგენლები ახლახან იყვნენ ადგილზე და მსგავსი შემთხვევა მათ არ დაუფიქსირებიათ.

მოგვიანებით ბათუმში მერიაში განმარტეს, რომ მერიის ზედამხედველობის სამსახური ადგილზე მივიდა, მაგრამ ადმინისტრაციული სამართალდარღვევა არ დაუფიქსირებია.

მშენებლობიდან ხის მასალების ჩამოცვენის ამსახველი ფოტოები მოქალაქე მალხაზ ნაკაშიძემ გადაიღო და სოციალურ ქსელში გამოაქვეყნა.

ნეტგაზეთის მასალების სხვა გამოცემებში გადაბეჭდვის წესი


ავტორი