ამ წუთებში ბათუმში აბუსერიძის ქუჩის მონაკვეთი პოლიციას აქვს გადაკეტილი. გავრცელებული ინფორმაციით, პოლიცია ამ მონაკვეთზე ნაღმს ეძებს. თუმცა, როგორც შსს-ში „ბათუმელებს“ განუმარტეს, პოლიცია ეძებს არა ნაღმს, არამედ ამოწმებს კონკრეტულ ნივთს.
„მოქალაქემ დარეკა და განაცხადა, რომ ქუჩაში დევს კოლოფი, რომელსაც პატრონი არ უჩანს. პოლიცია გასულია და ამოწმებს ამ კოლოფს“,- აცხადებენ შსს-ში.
ამ დროისთვის აბუსერიძის ქუჩა ორმხრივად გადაკეტილი აქვს პოლიციას.
შედეგების შესახებ ინფორმაციას საგამოძიებო მოქმედებების დასრულების შემდეგ მოგაწვდით.