ქედის სოფლებს მალე მეორე ნაგავმზიდი მოემსახურება

ქედის თვითმმართველობას სუფთა მუნიციპალიტეტის ამბიცია აქვს. ვინაიდან, ადგილობრივი ხელისუფლების ძირითადი პრიორიტეტი სოფლად ტურიზმის განვითარების ხელშეწყობაა, ეკოლოგიურად სუფთა გარემოს შექმნა მერიის მთავარ ამოცანას წარმოადგენს.

თვითმმართველობის მოხელეები ყოველ წელს, პერმანენტულად, დასუფთავების აქციებსა და კამპანიებში მონაწილეობენ, რის საშუალებითაც არაერთი ხელოვნური ნაგავსაყარი და ხევი დასუფთავდა. გარდა ამისა,  საინფორმაციო კამპანია – ,,ნარჩენების სწორი მართვით შევინარჩუნებთ ბუნებრივ გარემოს” – წარმატებით წარიმართა, რომლის მიზანიც მოსახლეობის ცნობიერების ამაღლება, უკანონო ნაგავსაყრების აღმოფხვრა, დაბინძურებული კერების დასუფთავება და ბუნკერულ სისტემაზე გადასვლა გახლდათ.

ამჟამად, 64 სოფელში, ჯამში - 219 კონტეინერია განთავსებული.

ამჟამად 64 სოფელში ჯამში 219 კონტეინერია განთავსებული.

აღსანიშნავია, რომ პრობლემის საბოლოო გადასაჭრელად გასულ წელს თვითმმართველობამ სპეცავტომობილი და ყველა სოფლისთვის ნაგვის კონტეინერები შეიძინა. მანამდე კი, ქედის მუნიციპალიტეტში მხოლოდ 120 ნაგავშემკრები ურნა იყო განთავსებული ბათუმი-ახალციხის მაგისტრალის მიმდებარე სოფლებში, დაბა ქედის ქუჩებში, აწჰესსა და  მერისის ხეობაში. სხვა სოფლებში პრობლემა წლების განმავლობაში გადაუჭრელი რჩებოდა. ამჟამად 64-ვე სოფელში ჯამში 219 კონტეინერია განთავსებული.

საინფორმაციო კამპანია ,,ნარჩენების სწორი მართვით შევინარჩუნებთ ბუნებრივ გარემოს"

საინფორმაციო კამპანია ,,ნარჩენების სწორი მართვით შევინარჩუნებთ ბუნებრივ გარემოს” წარმატებით წარიმართა.

მიუხედავად იმისა, რომ ყველა სოფლიდან საყოფაცხოვრებო ნარჩენები უკვე სისტემატიურად გააქვთ, ქედის მერია სერვისის გასაუმჯობესებლად კვლავ აქტიურად მუშაობს. სწორედ ამ მიზნით უახლოეს დღეებში თვითმმართველობა ქედის კომუნალურსერვისს ახალ ნაგავმზიდს გადასცემს, რომლის შესაძენად ადგილობრივ ბიუჯეტში 280 000 ლარი იყო გათვალისწინებული და მას ტენდერში გამარჯვებული ფირმა ,,თეგეტა თრაქ ენდ ბასი“  მიაწვდის. ასევე, 50 000 ლარად დაგეგმილია 70 ნაგვის ურნის შეძენა, რომლებიც სოფლებში დამატებით განთავსდება.

თვითმმართველობა ქედის კომუნალურსერვისს ახალ ნაგავმზიდს გადასცემს, რომლის შესაძენად ადგილობრივ ბიუჯეტში 280 000 ლარი იყო გათვალისწინებული

თვითმმართველობა ქედის კომუნალურსერვისს ახალ ნაგავმზიდს გადასცემს, რომლის შესაძენად ადგილობრივ ბიუჯეტში 280 000 ლარი იყო გათვალისწინებული.

მნიშვნელოვანია ის ფაქტიც, რომ მუნიციპალიტეტს შემუშავებული აქვს ნარჩენების მართვის ხუთწლიანი სტრატეგიული გეგმა და სხვადასხვა სერვისის შექმნისა თუ განვითარების კუთხით არაერთ არასამთავრობო ორგანიზაციასთან თანამშრომლობს.

ნეტგაზეთის მასალების სხვა გამოცემებში გადაბეჭდვის წესი


ავტორი