ქედის მერია საქონლის ვაქცინას შეისყიდის

ქედის მერია ზოონოზური [ადამიანისა და ცხოველის საერთო დაავადება] დაავადებების, პასტერელოზისა და ემკარის ვაქცინას შეისყიდის და ფერმერთა საკუთრებაში არსებულ მსხვილფეხა თუ წვრილფეხა საქონელს ნებაყოფლობით ვაქცინაციას ჩაუტარებს.  2 500 – მდე სული პირუტყვის ასაცრელად ადგილობრივი ბიუჯეტიდან 6 500 ლარი გამოიყო.

პასტერელოზსა და ემკარზე რქოსანი პირუტყვის ვაქცინაცია სახელმწიფო პროგრამის ფარგლებში არ ხორციელდება.

ქედის მერის მოადგილე, როლანდ ბერიძე განმარტავს, რომ ამ დაავადებებზე პირუტყვთა ვაქცინაცია მოსახლეობამ მოითხოვა:

„ამ ეტაპზე ბიუჯეტიდან თანხა გამოიყო, პროგრამა მუშავდება, რომლის ფარგლებში ვაქცინას შევისყიდით, ეს იქნება საქონლის ნებაყოფლობითი ვაქცინა, თუმცა აღსანიშნავია ისიც, რომ ვაქცინაცია ემკარსა და პასტერელოზზე თვითონ მოსახლეობამ მოითხოვა და აცრის წინააღმდეგიც არ უნდა იყვნენ.  ვაქცინას ელექტრონული ტენდერით შევისყიდით“.

 

ნეტგაზეთის მასალების სხვა გამოცემებში გადაბეჭდვის წესი


ავტორი