პროექტი ეკვილიბრიუმი: გიორგი კეკელიძე სკოლა ევრო 2000-ს ესტუმრა  

2018 წლის 22 თებერვალს სკოლა ევრო-2000-ს ეწვია ერთ-ერთი საუკეთესო ქართველი მწერალი, ეროვნული ბიბლიოთეკის დირექტორი, ქართველი პოეტი, პროზაიკოსი, ესეისტი, ლექტორი, ტელეწამყვანი, საქართველოს პარლამენტის ეროვნული ბიბლიოთეკის გენერალური დირექტორი (2012 წლიდან დღემდე), ლიტერატურული პრემია „საბას“ ლაურეატი, წინანდლის პრემიის ლაურეატი, ელექტრონული ბიბლიოთეკის lib.ge დამფუძნებელი და მთავარი რედაქტორი, საგანმანათლებლო მოძრაობა „ეკვილიბრიუმის“ დამფუძნებელი გიორგი კეკელიძე.

გიორგი კეკელიძე სტუმრად სკოლა ევრო-2000-ში.

გიორგი კეკელიძე სტუმრად სკოლა ევრო-2000-ში.

პროექტმა #ეკვილიბრიუმი თითქმის მთელი საქართველო მოიცვა, არ დარჩენილა ალბათ არც ერთი პატარა კუთხეც კი, ამ შესანიშნავი პროექტის შუქს რომ არ შეეღწია და ახალ წიგნებთან ერთად, განათლების შუქი არ მიეტანა…

წიგნიერებაზე ზრუნვა პროექტის მთავარი მიზანია და ის უფრო სასიხარულოა, რომ პროექტს მოსწავლეები უერთდებიან: ისინი თანატოლებისთვის წიგნებს ყიდულობენ და აგზავნიან აჭარის მაღალმთიანეთში. ამჯერადაც ახალი წიგნებით ხელდამშვენებულები შეხვდნენ კერძო სკოლა ევრო-2000 მოსწავლეები გიორგი კეკელიძეს. ეს უკვე მეორედ, ერთხელ ხომ ქობულეთის რაიონის სოფელ  ხუცუბნის საჯარო სკოლის ბიბლიოთეკას გადაუგზავნეს წიგნები…

პროექტ ეკვილიბრიუმს სკოლა ევრო-2000-ის მოსწავლეები შეუერდნენ.

პროექტ ეკვილიბრიუმს სკოლა ევრო-2000-ის მოსწავლეები შეუერთდნენ.

სწორედ ასეთ დღეებს მოჰყვება სიკეთე და მოყვასის სიყვარული, სიხარული, რაღაც ახლის შეცნობისა… იმ ახლისა, რომელზეც გიორგი კეკელიძე ესაუბრებოდა მოსწავლეებს სკოლის ბიბლიოთეკაში. დიალოგის თემა წიგნი და თანამედროვე ლიტერატურა გახლდათ. საუბარი 2018 წლის ფრანკფურტის წიგნის ფესტივალზე ჩამოვარდა და სწორედ მაშინ სიამაყით აჩუქა ქალბატონმა მარინა ცივაძემ სოფია სკიბას და სოფია ანთიას  მიერ დაწერილი ზღაპრის  გამარჯვებული წიგნი, რომელიც 2018 წლის ფრანკფურტის ბაზრობაზე წარსდგება.

მოსწავლეების მიერ ნაჩუქარი წიგნები ქედის რაიონის ორი საჯარო სკოლის – დოლოგნისა და მახუნცეთის ბიბლიოთეკებს გადაეცა.

ინგა გოგიბერიძე, მწერალი.

ნეტგაზეთის მასალების სხვა გამოცემებში გადაბეჭდვის წესი


ავტორი