ჯანსაღი ცხოვრების წესის ხელშეწყობა ქედის თვითმმართველობის ერთ-ერთი პრიორიტეტია

ქედა სპორტული აქტივობებით რომ გამორჩეული მუნიციპალიტეტია, ამას სპორტსმენთა მიღწევები მოწმობს. იმისთვის, რომ ახალგაზრდები ჯანსაღი ცხოვრების წესით იყვნენ დაკავებულნი, მერია წლის განმავლობაში არაერთ მნიშვნელოვან პროგრამასა თუ ინფრასტრუქტურულ პროექტს ახორციელებს.

მოსწავლე-ახალგაზრდობის სპორტულ სექტორებსა და ჯგუფებში ჩართვის, სპორტის მასობრივი და ინდივიდუალური სახეობების განვითარების, წარმატებულ სპორტსმენთა გამოვლენის და სპორტის სახეობების პოპულარიზაციის  მიზნით, მიმდინარე წელს ადგილობრივ ბიუჯეტში 401 900 ლარია გათვალისწინებული, რომლის ფარგლებში ფინანსდება მერიის 29 მიზნობრივი სპორტული პროგრამა, საფეხბურთო და სარაგბო კლუბები, სასპორტო სკოლის სექციები, სპორტული ინფრასტრუქტურის კეთილმოწყობა და სხვა მნიშვნელოვანი ღონისძიებები.

მაგალითისთვის, მინი სპორტული მოედნების მშენებლობა-რეაბილიტაციას, სოფლად მცხოვრები მოზარდები აქტიურად ითხოვენ. სწორედ, მათი სურვილების გათვალისწინებით, გასულ წელს რეაბილიტაცია ჩაუტარდა ხუთს, ხოლო აშენდა 3 ახალი მინი სპორტული მოედანი, მათ შორის ქვედა მახუნცეთში, თანამედროვე ტიპის, გენ-გემით გათვალისწინებული პროექტების შესაბამისი.

პროგრამა წელსაც გაგრძელდება და დაგეგმილია 6-მდე სოფელში არსებული მინი მოედნების რეაბილიტაცია, რისთვისაც ბიუჯეტიდან 100 000 ლარი დაიხარჯება.

რეაბილიტირებული მინი სპორტული მოედნები კი, საშუალებას მისცემს ადგილობრივ ახალგაზრდებს ჩამოაყალიბონ ფეხბურთის სამოყვარულო გუნდი ან რაიმე სახის სპორტული აქტივობები დაგეგმონ.

ნეტგაზეთის მასალების სხვა გამოცემებში გადაბეჭდვის წესი


ავტორი