საბავშვო ლიტერატურული ჟურნალი – „დილა“, ლიტერატურული ჟურნალები: „არილი“ და „ახალი საუნჯე“ – სამი ლიტერატურული ჟურნალის გამოცემას კულტურისა და სპორტის სამინისტრო დააფინანსებს.
მწერალთა სახლმა ლიტერატურული ჟურნალების დაფინანსების მოსაპოვებლად კონკურსი 2018 წლის 31 იანვარს გამოაცხადა. კონკურსზე სულ 5 ჟურნალი იყო წარდგენილი: „დილა“, „ლიტერატურული პალიტრა“, „ცისკარი“, „ახალი საუნჯე“ და „არილი“.
კონკურსში გამარჯვებული გამოცემები 21 თებერვალს მწერალთა სახლის სამეთვალყურეო საბჭომ გამოავლინა, რომლის შემადგენლობაშიც არიან: ზვიად რატიანი, ხათუნა ცხადაძე, ლევან ბერძენიშვილი, რატი ამაღლობელი, ზვიად კვარაცხელია, ბესო ხვედელიძე და თინა მამულაშვილი.