ამ 2 მილიონი ლარიდან 1 მილიონ 420 ათას ლარამდე საშობაო-საახალწლო დღეებში ქალაქის გაფორმებასა და საახალწლო აქსესუარების შეძენას მოხმარდება [ამაში შედის მონტაჟი და დემონტაჟიც].
თანხმობა გამარტივებულ ტენდერზე აჭარის მთავრობამ ბათუმის მერიას „სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებლად ჩატარების მიზნით“ მისცა.
ამ ღონისძიებებში მერია „გამარტივებულად“ ჯამში დაახლოებით 1 839 360 ლარს გახარჯავს. შესაბამისი ტენდერების გამოცხადება მერიას დაწყებული აქვს.
გარდა საახალწლოდ ქალაქის გაფორმებისა, მერია შემდეგ სამუშაოებს შეისყიდის:
კეთილმოეწყობა ანგისის პირველი ჩიხი, რისთვისაც მაქსიმუმ 48 745 ლარია გათვალისწინებული;
ამ თანხაზე ოდნავ მეტია გამოყოფილი გენ. აბაშიძის ქუჩა #68-დან მ. ვარშანიძის ქუჩამდე სანიაღვრე სისტემის მოსაწყობად;
43 824 ლარია გათვალისწინებული კომახიძის, ესენინისა და ბერიძის ქუჩების მონაკვეთების გარე განათებისა და თამარ მეფის გზატკეცილზე, მდინარე ყოროლისწყალზე მდებარე ხიდზე დეკორატიული განათების მოსაწყობად;
გარე განათების კაბელები შეიცვლება რუსთაველის ქუჩაზე _ 29 ათასი ლარის ფარგლებში;
ფრიდონ ხალვაშის ქუჩა #322-ის მიმდებარედ კეთილმოეწყობა სკვერი, რისთვისაც მერიას 57 769 ლარი აქვს გამოყოფილი;
191 087 ლარის ფარგლებში კი სარემონტო-აღდგენითი სამუშაოები ჩაუტარდება ზ. გორგილაძის ქუჩაზე, ხელოვნების მუზეუმთან მდებარე შადრევნებს.