ბათუმი თურქულ სერიალში

პოპულარული თურქული სერიალის – „Sen Anlat Karadeniz“ მეოთხე სერიის ერთ-ერთი ეპიზოდი ბათუმში გადაიღეს.

ბათუმის პანორამული ხედების გარდა სერიალში ევროპის მოედანზე გადაღებული კადრებიცაა, რომელსაც ფონურ მუსიკად ქართული სიმღერა „დედა მიყვარს ძალიან“ ადევს.

თურქი რეჟისორის, ოსმან სინავის,  ბოლო ნამუშევარი ეკრანებზე 2018 წელს გამოვიდა. ცნობილმა თურქულმა არხმა  “ Atv“ -მა სერიალის ჩვენება იანვარში დაიწყო. მეოთხე სერია, რომელიც ნაწილობრივ ბათუმშია გადაღებული, ეთერში 14 თებერვალს გავიდა.

სერიალის სიუჟეტი ახალგაზრდა ქალის, ნეფესის ირგვლივ ვითარდება, რომელიც 16 წლის ასაკში ძალით გაათხოვეს, მოგვიანებით კი ქმრის მხრიდან ძალადობის მსხვერპლი გახდა. ნეფესი ცდილობს, მოძალადე ქმარს გაექცეს.

სერიალში მთავარ როლებს ახალგაზრდა თურქი მსახიობები – ულაშ თუნა ასთეფე, ირემ ჰელვაჯიოღლუ, სინან თუზჩუ და სხვები ასრულებენ.

 

ნეტგაზეთის მასალების სხვა გამოცემებში გადაბეჭდვის წესი


ავტორი