ავტობუსის სპეციალურ სამალავში საზღვრის გადმოკვეთისას თურქეთში სამი ქართველი დააკავეს

თურქეთიდან საქართველოში მომავალი ავტობუსის სპეციალურ სამალავში საქართველოს სამი მოქალაქე (ორი ქალი და ერთი კაცი),  საზღვრის უკანონო გადმოკვეთისას დააკავეს. ინფორმაციას ამის შესახებ თურქული საინფორმაციო სააგენტოები ავრცელებენ.

თურქული მედიის ინფორმაციით, ავტობუსი ქართული სანომრე ნიშნით, სასაზღვრო გამშვებ პუნქტში, ფიზიკური დათვალიერებისთვის 12 თებერვალს, 02:46 საათზე შევიდა.

ძიების შედეგად აღმოჩნდა, რომ დაკავებულ ქართველი მოქალაქეები არალეგალურად იმყოფებოდნენ თურქეთში (მათ აკრძალული ჰქონდათ თურქეთის ტერიტორიაზე შესვლა) და ახლა ისინი საქართველოში მალულად დაბრუნებას ცდილობდნენ.

თურქეთის პროკურატურის გადაწყვეტილებით, დაკავებულები საქართველოში დაადეპორტირეს.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან