სააგენტო რამდენიმე ძეგლის სარეაბილიტაციო პროექტს შეისყიდის

აჭარის კულტურული მემკვიდრეობის დაცვის სააგენტო ბათუმში, ზ. გამსახურდიას ქ. N39 მდებარე შენობაზე აივნის; ქობულეთში, სოფელ ციხისძირში ე.წ. უშაკოვის აგარაკის სახურავისა და გონიოს ციხეში მდებარე სუვენირების მაღაზიის სახურავის რეაბილიტაციის პროექტებს შეისყიდის.

ავარიულ მდგომარეობაში მყოფი კულტურული მემკვიდრეობის ძეგლების რესტავრაცია-რეაბილიტაციის მიზნით კვლევითი სამუშაოებისა და სარეაბილიტაციო სამუშაოების საპროექტო დოკუმენტაციის შედგენაზე სააგენტომ ტენდერი უკვე გამოაცხადა. დოკუმენტაციის შესაძენად 2 000 ლარია გათვალისწინებული. ძეგლებზე სარეაბილიტაციო სამუშაოები შემდგომში ამ პროექტების საფუძველზე ჩატარდება.

სარეაბილიტაციო პროექტები, ტენდერის პირობების შესაბამისად, გამარჯვებულთან ხელშეკრულების გაფორმებიდან 45 დღეში უნდა მომზადდეს. პრეტენდენტს კი უნდა გააჩნდეს 2015 წლის პირველი იანვრიდან 2018 წლის პირველ იანვრამდე პერიოდში მინიმუმ სამი ურბანული სახეობის კულტურული მემკვიდრეობის ძეგლის სარეაბილიტაციო სამუშაოების პროექტის მომზადების გამოცდილება.

კულტურული მემკვიდრეობის ძეგლი / ბათუმი, ზ. გამსახურდიას ქ. N39

ქობულეთი, სოფ: ციხისძირი. ე.წ. უშაკოვის აგარაკი / სააგენტოს ფოტოები

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com