„ბათუმელების“ ინფორმაციით, დღეს დილით ოზურგეთში ძლიერი აფეთქების ხმა გაისმა. აფეთქება ერთ-ერთ მაღაზიაში მოხდა. ინფორმაციას იმის შესახებ, რომ ამ მაღაზიაში ხელყუმბარა შეაგდეს, შს სამინისტრო ჯერჯერობით არ ადასტურებს, თუმცა უწყებაში აცხადებენ, რომ ოზურგეთში ძლიერი აფეთქება ნამდვილად მოხდა.
უწყების პრესცენტრის განცხადებით, „გამოძიება დაწყებულია სს კოდექსის 187-ე მუხლით, რაც გულისხმობს ნივთის დაზიანებას ან განადგურებას. არავინ არ არის დაშავებული. პირველადი დათვალიერებით ჩამსხვრეულია მინები, ფანჯრები. მაღაზიიდან შეტყობინება ჩვენთან დღეს დილით შემოვიდა და ადგილზე მუშაობენ ექსპერტ-კრიმინალისტები, რომლებიც დაადგენენ რა იყო ზუსტად. ჯერ ვერ ვიტყვით, ხელყუმბარა იყო თუ არა, თუმცა ძლიერი აფეთქების ხმა იყო.“
