კიდევ ერთი ახალი სამშენებლო პროექტი ბათუმში, რომელმაც ქალაქს ტროტუარი წაართვა [ფოტოამბავი]

ბათუმში, აღმაშენებლის ქუჩაზე, წრიულთან,  სამი მაღალსართულიანი სახლის წინ კიდევ ერთ მაღალსართულიან კორპუსს აშენებენ. სამშენებლო ღობის შიგნითაა მოქცეული როგორც ტროტუარი, ასევე სამანქანო გზის ნაწილი.

 

მშენებარე სახლის წინ, ე.წ. „ვოქსის ცხრიანში“ მცხოვრებნი შიშობენ, რომ ახალი პროექტი მათ ბინებს კიდევ უფრო დააბნელებს.

მშენებლობის ნებართვა ბათუმის  ყოფილმა მერმა, გიორგი ერმაკოვმა, 2017 წლის 16 ოქტომბერს გასცა.

ამ სახლის დასრულების შემდეგ წრიულის ოთხივე მხარეს მაღალსართულიანი სახლები იქნება, სამანქანო გზა კი, სავარაუდოდ, შევიწროვდება.

ადგილზე მომუშავეები ამბობენ, რომ სახლს მიწისქვეშა პარკინგი ექნება. პროექტთან დაკავშირებულ სხვა დატალებზე მათ არ ისაუბრეს.

პროექტის რენდერი

პროექტებთან დაკავშირებული დეტალები კომპანიაში ვერ დავაზუსტეთ, რადგან საინფორმაციო ბანერზე მითითებული ტელეფონის ნომერი გამორთულია.

მშენებელი კომპანია შპს „გრანდ სითია“. კომპანიის მესაკუთრეები თურქეთის მოქალაქეები არიან.

ამავე თემაზე: როგორ წაართვეს ქალაქს ტროტუარები 

ნეტგაზეთის მასალების სხვა გამოცემებში გადაბეჭდვის წესი
ავტორი