აჭარის საპატრულო პოლიციას ახალი უფროსი ჰყავს

მანუჩარ კაციტაძე აჭარის საპატრულო პოლიციის ახალი უფროსია. ინფორმაციას ამ ეტაპზე შინაგან საქმეთა სამინისტრო არ ადასტურებს, თუმცა „ბათუმელების“ ინფორმაციით, ბრძანება მის დანიშვნაზე უკვე ხელმოწერილია.

მანუჩარ კაციტაძე აქამდე თბილისის საპატრულო პოლიციაში მუშაობდა და ვაკე-საბურთალოს სამმართველოს უფროსი იყო. თანამდებობრივი დეკლარაციის მიხედვით, მანუჩარ კაციტაძეს 2016 წელს მცხეთა-მთიანეთის სამმართველოში განყოფილების უფროსის თანამდებობა ეკავა, ხოლო მანამდე შიდა ქართლის სამხარეო მთავარი სამმართველოს უფროსის მოადგილე იყო.

აჭარის საპატრულო პოლიციის უფროსის პოსტი იანვარში ლევან მაისურაძემ დატოვა. ის ამ თანამდებობაზე რვა თვეს მუშაობდა.

ნეტგაზეთის მასალების სხვა გამოცემებში გადაბეჭდვის წესი
ავტორი