შუახევის მერიის უკანა ეზო [ფოტოამბავი]

ამ ტერიტორიაზე საყრდენი კედლის მოსაწყობად გასულ წელს 126 ათასი ლარი გამოიყო. ტენდერში შპს „მარეთი 777“-მა გაიმარჯვა – ხელშეკრულება 100 047 ლარსა და 7 თეთრზე გაფორმდა.

დამცავი კედელი კომპანიას გასული წლის 31 ოქტომბრამდე უნდა დაესრულებინა, შემდეგ ვადა 20 დეკემბრამდე გაუგრძელეს.

„სამშენებლო სამუშაოები უახლოეს პერიოდში დასრულდება, სანიაღვრე არხი დარჩა მოსაწყობი, ცუდი ამინდების გამო ვერ დასრულდა მშენებლობა… როდესაც დასრულდება მშენებლობა, მოხდება მიმდებარე ტერიტორიის მოპირკეთება და გამწვანება“, – ამბობს შუახევის მერი ფრიდონ ფუტკარაძე.

მერის ინფორმაციით, ტერიტორიის მოსაპირკეთებლად და გასამწვანებლად თანხა ბიუჯეტში გაწერილი არ არის.

შუახევის მუნიციპალიტეტი

ნეტგაზეთის მასალების სხვა გამოცემებში გადაბეჭდვის წესი
ავტორი